Pesë yjet e Serie A-së që mund të ndryshojnë ambient në këtë afatin kalimtar

Klubet e Serisë A po përballen me kufizime financiare dhe kontrata që skadojnë gjatë 12 muajve në vijim, kështu që disa prej tyre duhet të shesin këtë verë yjet e tyre për të shmangur situatën që ata të largohen për asgjë brenda një viti.

Për shembull, çmimi i kërkuar i Claudio Lotito për yllin e Lazios, Sergej Milinkovic-Savic ishte më shumë se 100 milionë euro vetëm një vit më parë, por me futbollistin serb që i ka mbetur vetëm një vit në kontratën e tij në Stadio Olimpico, lacianët janë gati të dëgjojnë ofertat në kufirin prej 40 milionë eurove.

Sergej Milinkovic-Savic

Disa burime pohojnë se Interi dhe Juventusi janë ndër klubet e Serie A-së të interesuara për SMS, por gjigantët e Premierligës Manchester United po monitorojnë gjithashtu 28-vjeçarin.

SMS mund të jetë një nga pazaret më të mira në Serie A këtë verë, veçanërisht duke marrë parasysh që ai kontribuoi në 19 gola në 47 paraqitje me Lazion këtë sezon, duke shënuar 11 herë dhe duke shtuar tetë asistime.

Milinkovic-Savic është objektivi kryesor i Juventusit nëse Adrien Rabiot largohet. Marrëveshja aktuale e francezit në Allianz Stadium përfundon më 30 qershor dhe zonja e vjetër i ka ofruar atij një kontratë të re njëvjeçare.

Adrien Rabiot

Rabiot ishte padyshim lojtari më i mirë i Juventusit këtë sezon me 11 golat dhe gjashtë asistimet e tij në 48 paraqitje sugjerojnë se ai më në fund ka përmbushur potencialin e tij. Nënshkrimi i tij në një transferim të lirë do të ishte një lëvizje e shkëlqyer për shumicën e klubeve më të mira në Evropë, por sigurisht, Juventus shpreson që ai të qëndrojë edhe për një sezon.

Zonja e vjetër do të përfshihet në negociata këtë verë pasi duhet të forcojnë ekipin, por edhe të balancojnë llogaritë dhe të ulin faturën e pagave.

Federico Chiesa

E ardhmja e Federico Chiesa është e pasigurt me disa klube të Premierligës që raportohet të jenë të interesuara, duke përfshirë Liverpool dhe Newcastle. Ka pasur raportime të shumta për çmimin e kërkuar nga Juventusi për ish-anësorin e Fiorentinës, por shumica e mediave pajtohen se një ofertë në rajon prej 40 milionë euro do të konsiderohej nga gjigantët e Serisë A që regjistroi një humbje prej mbi 200 milionë euro në sezonin 2021-2022.

Marcelo Brozovic

Largohemi nga Torino, finalisti i Ligës së Kampionëve Marcelo Brozovic mund të largohet nga Interi për 20-25 milionë euro. zikaltrit kanë bërë prioritet shitjen e tij për të shmangur largimin e Nicolò Barella dhe Federico Dimarcos, i cili ka qenë i lidhur me Real Madridin dhe Manchester Unitedin.

Reprezentuesi kroat dukej i paprekshëm vetëm një vit më parë, por sezoni i mirë debutues i Henrikh Mkhitaryan në Stadio Meazza e ka bindur Beppe Marottan të dëgjojë ofertat për Brozovic i cili nënshkroi një marrëveshje të re deri në vitin 2026 në mars 2022.

Gjigantët e Serisë A-së kanë marrë një propozim nga klubi saudit Al Nassr, por 15 milionë euro nuk janë të mjaftueshme për Interin.

Paulo Dybala

I fundit, por jo më pak i rëndësishëm, lojtari më i mirë i Romës në sezonin 2022-2023, Paulo Dybala, ka një klauzolë lirimi tepër të ulët. Në fakt, ai ka dy. Njëra vlen 12 milionë euro dhe është i vlefshëm për klubet jashtë Serisë A, ndërsa skuadrat italiane mund të sigurojnë nënshkrimin e tij për 20 milionë euro.

Nëse ndonjë klub aktivizon klauzolën e Dybalas, Roma mund të bëjë një ofertë për të rritur pagën e tij dhe për ta mbajtur atë në Stadio Olimpico.

Të dyja klauzolat janë me siguri tërheqëse, veçanërisht për një lojtar që shënoi 18 gola dhe dha tetë asistime në 38 paraqitje sezonin e kaluar. ‘La Joya’ iu bashkua Romës si një transferim i lirë në verën e vitit 2022, duke nënshkruar një kontratë trevjeçare në Stadio Olimpico.