Pasi u refuzuan nga Kepa Arrizabalaga, Bayern Munich mendon për David de Gean
Gjiganti gjerman, Bayern Munich, është duke shqyrtuar mundësinë për të nënshkruar me portierin spanjoll David de Gea, pasi Kepa Arrizabalaga i refuzoi ata për një huazim te Real Madridi.
Bayern Munich, pasi u përball me një refuzim nga Kepa Arrizabalaga, e ka zhvendosur fokusin te ish-portieri i Manchester United, David de Gea. Klubi gjerman po shqyrton mundësinë e nënshkrimit të De Geas për të përforcuar opsionet e tyre në portë, sipas raportimeve të gazetës gjermane Sport1.
Ylli i Bayernit dhe Gjermanisë, Manuel Neuer, pësoi një lëndim në këmbë pas Kupës së Botës vitin e kaluar. Portieri veteran nuk është rikuperuar ende dhe zëvendësuesi i tij i përkohshëm, Yann Sommer, është larguar nga klubi gjithashtu duke lënë gjigantët bavarez në kërkim të një zëvendësuesi tjetër.
Gjashtë herë kampionët evropianë kishin përzgjedhur në listën e ngushtë Kepan të Chelseat, por spanjolli zgjodhi Madridin në vend të klubit gjerman. Kjo i ka detyruar që ta kthejnë vëmendjen te bashkëkombasi i tij dhe ish-portieri i Manchester United, De Gea.
32-vjeçari njoftoi largimin e tij nga Djajtë e Kuq gjatë verës dhe aktualisht është pa klub.
Kampionët gjermanë do të fillojnë mbrojtjen e titullit kundër Weder Bremenit më 18 gusht dhe mbetet për t’u parë nëse do të bëjnë një lëvizje për spanjollin.
