Pas Messit, klubi saudit i bën ofertë marramendëse edhe Karim Benzemas
Raportohet se Karim Benzema ka marrë një ofertë të majme nga Arabia Saudite, vendi i cili po kërkon t’i përdorë superyjet për ta forcuar fushatën për mbajtjen e Kupës së Botës 2030.
Megjithëse pati sezon të fuqishëm, Benzema nuk dihet më rehat në Real Madrid.
Në marrëveshjen e sulmuesit francez me klubin ekziston një klauzolë e pashkruar për Topin e Artë, falë të cilës kontrata e tij u vazhdua edhe për një vit tjetër nga klubi kur ai e fitoi Topin e Artë në fund të vitit 2022.
Benzema, megjithatë, nuk ka thënë ende publikisht se i përkushtohet klubit.
AS raporton se Benzemas, bashkë me shtatë herë fituesin e Topit të Artë Lionel Messi, u janë ofruar kontrata luksoze nga klubi i Arabisë Saudite Al-Hilal që tejkalojnë shumën prej 400 milionë eurove gjatë dy sezoneve.
Atyre i është ofruar edhe të paguhen si ambasadorë për fushatën e Arabisë Saudite për ta organizuar Kupën e Botës 2023.
Cristiano Ronaldo luan tashmë në Lindjen e Mesme pasi iu bashkua Al-Nassrit në fund të vitit 2022.
Votimi për organizatorin e Botërorit 2030 do të mbahet më 24 shtator 2024, me Spanjën, Portugalinë, Ukrainën dhe Marokun rivale të Arabisë Saudite.
