Pamje: Youtuberi i dikurshëm fiton çmimin për ngulitjen më të mirë në NBA All Star

Ish-youtuberi tani basketbollist në G-League, Mac McClung, është bërë lojtari i parë që garon për ngulitjen më të mirë në NBA All Star. Kjo u bë e mundur pasi ai nënshkroi një kontratë me Philadelphia 76-ers të martën që lamë pas, por mrekullia është se ai triumfoi në këtë garë.

Në mëngjesin e së dielës me orë lokale të Kosovës u mbajtën garat atraktive të NBA All Starit, që janë ngulitja më e mirë, gara e aftësive me topin e gjuajtjet për tre pikë, ku 24-vjeçari kurorëzoi ëndrrën e tij për të triumfuar, pavarësisht se nuk ishte teknikisht një lojtar i NBA-së.

Ai nënshkroi një marrëveshje sponsorizimi me Puma pasi ra dakord për një kontratë të dyanshme me Sixers, e cila i lejon atij të nënshkruajë me një skuadër të NBA-së dhe të luajë ende për filialin e saj G-League.

Të bëhesh lojtari i parë i G-League që konkurron në Slam Dunk Contest kishte shkaktuar tashmë një skenë. Ylli i Phoenix Suns, Kevin Durant – 13-herë All Star - e quajti lëvizjen "të çmendur".

Por pasi ai realizoi tre ngulitje verbuese për të fituar, të mëdhenjtë e NBA-së Shaq O'Neal dhe Magic Johnson thanë se McClung kishte "shpëtuar" një garë e cila kishte humbur shkëlqimin e saj vitet e fundit.

"Që në fillim, unë kam qenë më i dobëti në garë," tha McClung, i cili ka imituar Michael Jordan dhe Kobe Bryant duke u bërë kampion i Slam Dunk Contest.

"Të provosh të drejtën e të tjerëve në vend të së gabuarës, sjell pak më shumë kënaqësi."

McClung mori 50 pikë në tre prej katër ngulitjeve të tij - të cilat përfshinin një kthesë 540 gradë të prodhuar më shpesh nga skateboardistët, dhe kërcimin si gjimnast nga dy nga miqtë e tij përpara se të ngulitet me kthesë.

McClung ka shijuar mjaft rrugëtimin si basketbollist.

Fansat mund ta kenë dëgjuar fillimisht emrin e tij - dhe ta kenë parë atletizmin e tij - përmes videove në YouTube që shfaqin talentin e tij, aty ku ka pasur mbi një milion shikime.

Para kësaj ai shpërtheu rekordet si një yll në shkollën e mesme Gate City, duke u bërë koshashënuesi më i mirë i të gjitha kohërave në historinë e Ligës së Shkollës së Lartë të Virxhinias.

I shpallur si "lojtari më emocionues në shkollën e mesme" në një video në YouTube, ai nuk ka arritur ende të bëjë kalimin në NBA si lojtar i rregullt.

Mac McClung ka zhvilluar vetëm dy ndeshje në gjithë karrierën në NBA, me Chicago Bulls në dhjetor të vitit 2021 dhe në prill të vitit 2022 me Golden State Warriors, por tani ai shpreson se mund të bëjë një vend në Philadelphia 76-ers duke depërtuar nga skuadra e G-Leagues.