Pamje: Ylli argjentinas e bënë tatuazh pritjen vendimtare të Emiliano Martinezit

Fituesi i Kupës së Botës me Argjentinën, Papu Gomez, ka nderuar bashkëlojtarin e tij Emiliano Martinezin, duke bërë një tatuazh interesant, ku si imazh është pritja vendimtare e gardianit në minutën e 122-të të finales ndaj Francës, krahas dhe dy të tjerave që po ashtu kanë lidhje me Botërorin.

Në një postim të ri në Instagram, lojtari i Sevillës ka ndarë imazhet e tre tatuazheve të reja që festojnë lavdinë e tij të fundit në Katar së bashku me kombëtaren e udhëhequr nga Lionel Messi. Përveç fanellës së Argjentinës me emrin e tij në shpinë dhe trofeun e turneut, ai kishte edhe një tatuazh të tretë të Martinezit, teksa bëri një pritje vendimtare për ta dërguar finalen në penallti.

Në fazën e fundit të finales së Kupës së Botës 2022, kur po zhvillohej minuta e 122 e 43 sekonda (sipas tatuazhit), sulmuesi francez Randal Kolo Muani e gjeti veten përballë me portierin, ku tentoi të shënonte, por një intervenim shkëlqyeshëm nga Martinez ia mohoi golin. Si pasojë, loja shkoi në penallti dhe portieri i Aston Villas dha kontributin e tij edhe aty që kombëtarja e tij të fitonte ndeshjen nga 11-metërshat, pasi Franca humbi dy goditje nga pika e bardhë dhe Argjentina fitoi turneun.

Papu me bashkëlojtarët e tij fituan titullim kampion bote për herë të parë që nga viti i largët 1986, me të cilin Messi tani ka kompletuar karrierën me gjithçka që është e mundur të fitohet në futboll.

Katar 2022 / Messi i artë, Argjentina kampione bote

Për shkak të lëndimit, Gomez nuk është paraqitur ende për Sevillan pas Kupës së Botës, por Martinez u kthye për të luajtur në barazimin 1:1 midis Villas dhe Wolves, që rrjedhimisht ishte ndeshja e fundit e gjysmësezonit të Premierligës për ta.