Pamje: Skriniar stërvitet individualisht, objektivi i tij është finalja e Ligës së Kampionëve

Ylli i Interit, Milan Skriniar u pa duke u stërvitur individualisht për Interin teksa pjesa tjetër e skuadrës përgatitej për finalen e Kupës së Italisë të së mërkurës mbrëma kundër Fiorentinës, duke ndezur shpresën se sllovaku që do largohet në verë, mund të jetë i gatshëm për t'u rikthyer në kohë për finalen e Ligës së Kampionëve më 10 qershor.

Kjo ishte hera e parë që Skriniar stërvitet në bar për Interin që nga raportimi i problemeve me shpinën e tij, gjë që dukej se do t'i jepte një fund të parakohshëm sezonit të tij dhe më e rëndësishmja, karrierën e tij në Inter, duke pasur parasysh se ai do të bashkohet me Paris Saint-Germain në një transferim falas në verë.

Futboll / Marotta: Inzaghi është dhe do të vazhdojë të jetë trajner i Interit

Sidoqoftë, ndërsa Skriniar u pa duke vrapuar dhe duke punuar me topin të martën pasdite, Tuttomercato ka raportuar se Skriniar mund të synojë të kthehet në gjendje fizike në kohë për finalen e Ligës së Kampionëve kundër Manchester City në qershor.

Nëse ai do të ketë apo jo mprehtësinë e nevojshme për t'u paraqitur në një ndeshje kaq të rëndësishme është një çështje tjetër, pasi 28-vjeçari nuk ka luajtur që nga ndeshja e dytë çerekfinale kundër Portos më 14 mars.