Pamje: Luis Suarez shënon het-trik brenda pjesës së parë në debutim me klubin e ri

Luis Suarezi ka dëshmuar edhe një herë se mosha është thjesht një numër, duke shënuar het-trik brenda 38 minutave në debutim për Gremion kundër Sao Luiz të martën mbrëma.

Sulmuesit 35-vjeçar iu deshën vetëm pesë minuta për ta hapur llogarinë me klubin e ri, pasi e mposhti portierin me një goditje vollej.

Futboll / Zyrtare: Suarez bëhet me skuadër të re, nënshkruan marrëveshje dyvjeçare me skuadrën braziliane

Kur rezultati ishte 2:1 për Gremion në fillim të ndeshjes, Suarezi e shënoi golin e dytë personal dhe të tretin për skuadrën e vet në minutën e 32-të duke realizuar ballë për ballë me portierin.

Uruguaiani e kompletoi het-trikun në minutën e 38-të duke shënuar me vollej fantastike në cep të portës, duke shtrirë ndikim të jashtëzakonshëm në skuadër qysh në ndeshjen e parë.

Gremio fitoi 4:1 dhe të gjitha golat u shënuan në pjesën e parë, pasi Suarezi ia dhuroi një triumf të lehtë ekipit të vet të ri kundër Sao Luiz.

Pas debutimit mahnitës, sulmuesi veteran i Uruguait do t’i prijë sulit të Gremios në ligën braziliane, e cila nis këtë të shtune dhe Gremio përballet me Caxias do Sul.