Pamje: "A është ky Neymar": Tifozët e Al Hilalit kërkojnë pensionimin e yllit brazilian

Ylli brazilian, Neymar, më në fund është kthyer në stërvitje te skuadra e tij Al Hilal. Por kjo nuk ka ndodhur në mënyrën më të mirë, pasi tifozët e kësaj skuadre po kërkojnë pensionimin e tij, pasi ai u duk në mbipeshë sipas tyre.

32-vjeçari iu kundërpërgjigj mbështetësve të futbollit që kritikuan fizikun e tij muajin e kaluar teksa ai rikuperohej nga këputja e ligamentit të kryqëzuar të përparmë (ACL) që pësoi gjatë detyrës kombëtare me Brazilin në tetor. Tani ish-ylli i Barcelonës po bën punë individuale stërvitore në skuadrën Saudite të Pro Ligës, me kritikat që janë shfaqur sërish për brazilianin.

NBA Memes shkroi: "Neymar është në dietën e basketbollistit James Harden."

Agurama JnR komentoi: "Çfarë ndodhi me Neymar?"

ReecyTM shkroi në Twitter: “Neymar thjesht duhet të tërhiqet nga futbolli dhe të fokusohet në kalërimin e kuajve”.

UncleKeyz shtoi: “Neymar duket si një i bekuar tani”, ndërsa Iconic Blanco bëri një foto krah për krah të Neymar në moshën 32 vjeçare kundrejt një Cristiano Ronaldo në moshën 36-vjeçare.

SJO tha: "Çfarë po ndodh me të gjitha legjendat e Brazilit?" dhe tregoi një foto krah për krah me ish-sulmuesin Ronaldo dhe Neymarin.

Ish-lojtari i Paris Saint-Germain, Neymar, i cili u largua nga skuadra e Ligue 1 për Al Hilal verën e kaluar për një transferim prej 77.2 milionë funte (98.3 milion dollarë), është në një garë me kohën për të luajtur një pjesë në sezonin e Ligës Pro Saudite, pasi këputja ose grisja e ACl-së zakonisht duhen tetë deri në 10 muaj për t'u rikuperuar. Sezoni përfundon në fund të majit dhe nuk ka asnjë garanci që ish-anësori i Barcelonës do të jetë në fushë këtë sezon.