Operohet Rodri, konfirmohet se do të mungojë gjatë tërë sezonit 2024/25

Mesfushori spanjoll i Manchester Cityt, Rodri, ka përfunduar me sukses operimin nga mjeku Manuel Leyes, pasi dëmtoi ligamentin e gjurit në ndeshjen ndaj Arsenalit.

Ashtu edhe siç pritje, është konfirmuar se njëri nga mesfushorët më të mirë në botë, nuk do të luajë më për këtë sezon, siç raporton Diario Sport.

Reprezentuesi spanjoll iu nënshtrua një operacioni të suksesshëm këtë të premte në Madrid për dëmtimin e ligamentit të kryqëzuar të përparmë dhe meniskut të shkaktuar në ndeshjen e Premierligës kundër Arsenalit fundjavën e kaluar. Pas disa ditësh konsultimesh dhe diagnozash, City njoftoi se kjo zonë në gjurin e tij të djathtë ishte dëmtuar dhe procesi për ta rikthyer kërkonte ndërhyrje kirurgjikale.

Për kryerjen e operacionit ishte i ngarkuar doktor Manuel Leyes, mjek specialist. Është i njëjti që ka ndërhyrë në lojtarë të tjerë si Courtois dhe Militao ose, së fundmi, Carolina Marín. Rodri ka besuar tek ai që të mund të rikuperohet në mënyrën më të mirë të mundshme dhe në kohën më të përshtatshme dhe të kënaqshme.

🙏 Rodri, operado con éxito en Madridhttps://t.co/LKHHbVTmnn

— Diario SPORT (@sport) September 27, 2024

E sigurt është se reprezentuesi spanjoll do të jetë larg fushave të lojës për disa muaj. Edhe pse skanimet e para (testi i kutisë, ekografia, qëndrueshmëria) ishin mjaft optimiste në fund të përballjes kundër Arsenalit, të nesërmen nga analizat u zbulua një këputje e mundshme e ligamentit të kryqëzuar të përparmë. Pas udhëtimit në Spanjë dhe kalimit nëpër duar të mjekëve të ndryshëm, vendimi ishte që të operohej gjuri dhe të fillonte periudha e rikuperimit.

Reprezentuesi spanjoll i thotë lamtumirë sezonit në rastin e parë, ndonëse për shkak të afateve nuk përjashtohet mundësia që ai të luajë në fund të sezonit – sidomos duke marrë parasysh që ka një Final Four të Ligës së Kombeve, në rast se kualifikohet Spanja, dhe gjithashtu Kupa e Botës për Klube, në të cilën City ka një vend të sigurt. Ka mundësi që, nëse gjithçka shkon normalisht, Rodri mund të shihet në fushë gjatë asaj kohe. Gjithçka do të varet nga mënyra se si ai do të përparojë në rikuperimin e tij, i cili sot përjetoi ditën e parë.