Nuk dëshpëron Arsenali, Topçinjtë shënojnë fitore komode ndaj Aston Villës - NACIONALE
NACIONALE

Nuk dëshpëron Arsenali, Topçinjtë shënojnë fitore komode ndaj Aston Villës

1 vit më parë

nga NACIONALE

Arsenali ka vazhduar me fitore edhe në xhiron e dytë të Premierligës, kësaj radhe duke mposhtur një kundërshtar aspak të lehtë, siç është Aston Villa.

Në Villa Park, Topçinjtë fituan me rezultat 2:0, me të dy golat të shënuar në pjesën e dytë.

Pjesa e parë e takimit ishte në të mirë të skuadrës së Mikel Artetës, duke dominuar posedimin e topit, por që raste shumë të mira nuk erdhën nga asnjëra palë, dhe me rezultatin 0:0 shkuan në pushim.

Futboll më i barabartë u zhvillua në pjesën e dytë, madje Aston Villa rrezikoi shumë për të dalë e para në epërsi, por David Raya ishte në vend për ta shpëtuar skuadrën e tij.

Pas atij rasti, Arsenali u këndell dhe filloi të kërkonte fitoren me ngulm.

Goli i parë i takimit erdhi në minutën e 67-të, kur Trossard shënoi vetëm dy minuta pasi u aktivizua, i asistuar nga Gabriel Martinelli.

10 minuta më vonë, Bukayo Saka, asistoi për Thomas Partey, me këtë të fundit që me një goditje shumë teknike, e mposhti Emi Martinezin, për ta dyfishuar epërsinë.

Deri në përfundim të ndeshjes nuk pati ndryshim në rezultat, me Arsenalin që iu gëzua fitores së dytë në po aq ndeshje në Premierligë, e në anën tjetër Aston Villa pëson humbjen e parë, pasi në xhiron hapëse kishte fituar në udhëtim te West Ham United.

Tjera:

Lajme të ngjashme