Novak Djokovic kampion i Wimbledonit pasi e mundi Nick Kyrgiosin

Tenisti Novak Djokovic ka mbrojtur titullin në "Wimbledon" duke mposhtur në finale Nick Krygios.

Pas një sfidë të vështirë, serbi arriti të fitojë ndaj australianit me rezultat 1:3 në sete.

Krygios e nisi shumë më mirë se Djokovic, duke fituar setin e parë me rezultat 4:6.

Por, pastaj nisi përmbysja nga serbi, që mori dy setet e radhës me rezultat 6:3, respektivisht 6:4.

Australiani në të dy setet kishte rastin të merrte avantazhin, por shkaku i zemërimit shpesh herë ndikoi të bënte disa gabime amatoreste.

Seti i katërt njëkohësisht i fundit, Djokovic arriti ta fitojë përmes vazhdimeve ku triumfoi me rezultat 7:6 (7:3).

Kështu, Djokovic mbron titullin në "Wimbledon" duke u shpallur fitues për të katërtin vit radhazi.

Në përgjithësi, ky është titulli i tij i shtatë në karrierë në Wimbledon, duke barazuar legjendën Pete Sampras, derisa mbetet një më pak se Roger Federer.

Ndërsa, është grand slam i 21-të në karrierë.

Rrugëtimi i Djokovic në "Wimbledon 2022"

Djokovic arriti të mposht kundërshtarë të shumtë, njëri pas tjetrit derisa mbërriti në finale, ku ditën e diele u shpall kampion.

Raundin e parë ishte kualifikuar direkt, ndërsa në të dytin fitoi ndaj australianit Thanasi Kokkinakis, që e mposhti lehtësisht në tre sete (6:1, 6:4, 6:2).

Në raundin e tretë, përball kishte bashkëkombësin Miomir Kecmanovic, që gjithashtu e mposhti lehtë (6:0, 6:3, 6:4).

Në raundin e 16-të, serbi zhvilloi ndeshjen ndaj holandezit Tim van Rijthoven, që e mposhti pas katër seteve të zhvilluara (6:2, 4:6, 6:1, 6:2).

Ndeshjen më të vështirë, padyshim e kishte në çerekfinale, ku ju nevojitë një përmbysje e madhe që të kualifikohet tutje ndaj italianit Jannik Sinner, ku u zhvilluan plot pese sete (5:7, 2:6, 6:3, 6:2, 6:2).

Vështirësi të shumtë nuk hasi as në gjysmëfinale ndaj britanikut Cameron Norrie (2:6, 6:3, 6:2, 6:4).