Një tifoz i Newcastle Unitedit goditet me thikë në Milano

Një tifoz i Newcastle Unitedit ka shkuar me urgjencë në spital mbrëmjen e së hënës, pasi u godit me thikë në Milano dhe Policia italiane është duke hetuar nëse rasti ka lidhje me futbollin, siç raporton Sky Sport Italia.

Një tifoz i Newcastle u godit me thikë në lagjen Navigli të Milanos dhe u dërgua me urgjencë në spitalin Policlinico të hënën, raporton Sky Sport Italia.

Mbështetësi anglez u godit në shpinë dhe dy herë në krahë, por nuk besohet të jetë në gjendje kritike.

Sky Sport pretendon se Policia italiane DIGOS po heton nëse sulmi kishte lidhje me futbollin dhe nëse ultrasit e Milanit kanë ndonjë lidhje me të.

Mbi 6,500 tifozë të Newcastles kanë udhëtuar për në Milano për ndeshjen e parë të ‘Magpies’ në Ligën e Kampionëve në 20 vitet e fundit. Shumë mbështetës anglezë mbushën të hënën lokalet në Navigli, por atmosfera nuk dukej kërcënuese apo e rrezikshme.

Sky Sport Italia tha se situata ishte nën kontroll në qendër të qytetit të Milanos të martën në mëngjes pa asnjë tension midis tifozëve kuqezi dhe tifozëve që udhëtonin.

Milani e pret Newcastle Unitedin sot në ndeshjen hapëse të sezonit 2023/24 të Ligës së Kampionëve, me përballjen që fillon në 18:45.