Neymar për Botërorin e ardhshëm: Nuk mund të garantoj që do të luajë në një turne tjetër pas Katarit
Ylli brazilian, Neymar, ka dhënë shenja se Kupa e Botës në Katar mund të jetë i fundit në karrierën e tij, pasi ka thënë se nuk mund të garantojë se do të paraqitet në një turne të tillë në të ardhmen.
30-vjeçari luajti në dy Botëroret e fundit, por që ende nuk ka arritur ta fitojë një titull të madh me ekipin kombëtar.
“Do të luaj sikur të ishte Botërori i fundit”, tha Neymar për Globo. “Unë flas me babain tim, ne gjithmonë themi, të luajmë çdo ndeshje sikur të ishte e fundit sepse nuk e dini se çfarë do të ndodhë nesër.
"Nuk mund të garantoj se do të luaj një tjetër Kupë [Botërore]. Sinqerisht nuk e di. Do të luaj sikur të ishte e fundit. Ndoshta do të luaj një tjetër, ndoshta jo. Varet. Do të jetë një ndryshim trajneri dhe nuk e di nëse ai trajner do të më pëlqejë".
Trajneri i Brazilit, Tite, do të largohet pas turneut në Katar dhe zëvendësuesi i tij ende nuk është caktuar.
Verdhekaltrit kanë fituar pesë Kupa Botërore që është rekord, por nuk e kanë fituar trofeun që nga viti 2002.
“Unë kam ndërtuar tashmë një histori të gjatë në ekipin kombëtar dhe, sigurisht, dua ta përfundoj mirë atë”, shtoi Neymar.
Neymar, i cili bëri debutimin e tij me ekipin e parë në moshën 18-vjeçare, është dy gola nga barazimi me golashënuesin më të mirë të gjitha kohërave të Brazilit, Pele.
“Është më shumë se sa e imagjinoja, sesa ëndërroja”, tha ai. “Kurrë nuk kam menduar për numrat, kurrë nuk kam dashur të kaloj dikë, të thyej një rekord. Gjithmonë kam dashur vetëm të luaj futboll.
"Pele është referenca. Pele është futbolli. Pele është praktikisht gjithçka për vendin tonë. Respekti dhe admirimi që kam për të është i madh."
Brazili nuk ka humbur asnjë ndeshje që nga humbja e finales së Kupës së Amerikës në shtëpi nga rivalët e Amerikës Latine, Argjentina, vitin e kaluar.
Neymar gjithashtu shkon në turne në formë të mirë me 15 gola dhe 12 asistime në 19 paraqitje për Paris Saint-Germain , por tha se ai nuk po kërkon lavdinë individuale në Katar.
“Dua të luaj në këtë Kupë [Botërore], t’i përkushtohem, sepse jam i sigurt se kemi potencialin për të shkuar shumë larg”, shtoi ai. “Edhe pse shumë njerëz nuk besojnë tek ne, ne do ta dëshmojmë të kundërtën, shoh që kjo kombëtare ka shumë gjëra të mira dhe shoh që mund të shkojmë shumë larg.
"Jam i lumtur. Më pëlqen të luaj futboll dhe më pëlqen të fitoj. Më pëlqen të jem më i mirë seç jam çdo ditë. Më pëlqen të ndihmoj shokët e skuadrës, që është gjëja kryesore. Shpresoj që emri im të jetë i gdhendur në historinë e futbollit", përfundoi sulmuesi brazilian.
