"Natë magjike" - Mbappe flet për debutimin e ëndrrave me Real Madridin
Kylian Mbappe pati debutim ëndrrash me Real Madridin, me yllin francez që shënoi një gol në fitoren 2:0 të Mbretërve ndaj Atalantës, për të fituar Superkupën e Evropës.
Fituesit të Kupës së Botës 2018 iu dha një pushim i zgjatur pas angazhimeve të tij në Euro 2024, me Realin që e la atë jashtë turneut të tyre parasezonal në Shtetet e Bashkuara. Pasi mbërriti në Spanjë si lojtar i lirë nga Paris Saint-Germain, Mbappes i është dhënë kohë për t'u përshtatur me jetën në një mjedis të ri.
Ai u përfshi që nga fillimi në një ndeshje të Superkupës me Atalantën dhe bëri një ndikim të menjëhershëm pasi gjeti golin në një fitore 2:0. Mbappe i tha CBS Sports më pas: “Është një natë magjike. Gjithmonë ëndërroja për këtë natë, dhe tani është një realitet. Të luash për këtë klub, klubin më të mirë në botë, është diçka e çmendur. Jam shumë i lumtur që bëra debutimin tim sot. Sigurisht që fituam një trofe. Është shumë e rëndësishme të fitosh një trofe, sepse të gjithë kanë fituar këtu. Është një kënaqësi e madhe për mua, gjithashtu të shënoj një gol. Si sulmues, të jesh aty dhe të shënosh për ekipin tim është gjithmonë kënaqësi dhe shpresoj të qëndroj situata kështu në sezon për ta ndihmuar më shumë skuadrën.”
Mbappe është bërë ‘Galaktiku’ i fundit në Madrid dhe thotë se nuk do të ishte kurrë problem për të që të luante përkrah superyjeve të tjerë si Vinicius Junior dhe Jude Bellingham. Reprezentuesi francez shtoi: “Është e lehtë të luash me ta sepse ata janë lojtarë të mëdhenj dhe të gjithë lojtarët në ekip janë të mrekullueshëm. Ky është Real Madridi dhe kjo është arsyeja pse ky është klubi më i mirë në botë, sepse ne kemi lojtarët më të mirë këtu. Është kënaqësi të luaj me Rodrygo, me Vinicius, gjithashtu me Bellingham dhe me të gjithë djemtë”.
Reali tani është duke u përgatitur për fillimin e sezonit 2024-25 në La Liga. Mbrojtja e tyre e titullit kampion do të fillojë ndaj Mallorcës të dielën, me Mbappen gjithashtu që synon lavdinë e Ligës së Kampionëve tani që ai është pjesë e Mbretërve, pasi me PSG-në nuk e arriti kurrë.
