Napoli vazhdon me fitore, triumfon ndaj Monzas
Napoli ka marrë edhe fitoren e dytë radhazi në Serie A, duke mposhtur në shtëpi Monzan.
"Napolitanët" fituan me rezultat bindës 3:0, ndeshje ku ylli i Kosovës, Amir Rrahmani bëri paraqitje mjaftë solide.
Vendasit e nisën shumë mirë duke rrezikuar qysh në minutat e parë përmes Kim Min-Jea dhe Victor Osimmhen, por të dy goditjet përfunduan jashtë portës.
Khvicha Kvaratskhelia hapi serinë e golave duke realizuar nga një distancë e largët në korner të portës për t'i vendosur "Napolitanët" në avantazh (35') - VIDEO.
Ndërsa, shtatë minuta më vonë apo në fundin e pjesës së parë, qendërsulmuesi Victor Osimhen pas një asistimi fantastik të mesfushori Andre Zambo Anguissa realizoi për të dyfishuar epërsinë (45+2').
Dominimi i klubit italian vazhdoi edhe në pjesën e dytë, ku edhe vulosen fitoren pavarësisht që shënuan vetëm një herë.
Ishte prapë Khvicha Kvaratskhelia që realizoi një gol tejet të bukur pasi dribloi dy futbollistë dhe më pas e konkretizoi duke e dërguar topin në rrjetë (62’).
Gjashtë minuta më vonë, Monza arriti të shënojë përmes ish lojtarit të Napolit, Andrea Petagna, mirëpo pas rishikimit të VAR-it, goli u anulua për pozitë jashtë loje.
Kapiteni i Kombëtares së Kosovës, Amir Rrahmani bëri një tjetër paraqitje solide duke larguar disa mos lejuar që të pësojnë ndonjë gol.
Fitoren e skuadrës së drejtuar nga Luciano Spalletti, e vulosi mbrojtësi Min-Jae Kim në kohën shtesë duke shënuar pas një asistimi të Piotr Zielinski (90+4’).
Kështu, Napoli merr fitoren e dytë radhazi dhe përkohësisht merr liderin e tabelës me gjashtë pikë të mbledhura, derisa Monza ende nuk ka nisur përshtatjen në Seria A, ku renditen në pozitën e fundit pa pikë.
Napoli në xhiron e radhës do ta ketë një sfidë jo të lehtë në udhëtim te Fiorentina, skuadër që shpesh herë ju ka nxjerrë telashe, derisa Monza do ta mirëpres Udinesen.
