Napoli e vetme në krye të tabelës, fiton me rezultat të ngushtë ndaj Atalantas
Lideri aktual i Serie A-së, Napoli, ka arritur me shumë mund ta mposhtë vendin e dytë, Atalantan me rezultat 2:1, duke krijuar një epërsi më të madhe me pikë ndaj skuadrave tjera.
Edhe pse pësoi e para, mentaliteti fitues që ka integruar në skuadër Spalleti, funksionoi shumë mirë, duke arritur ta kthenin rezultatin.
Një penallti e dhënë me VAR, u konkretizua me gol nga sulmuesi nigerian, Ademola Lookman, në minutën e 19-të, për rezultatin 1:0.
Por kjo epërsi nuk zgjati edhe shumë, pasi që në minutën e 23-të doli në skenë sërish një sulmues nigerian, por kësaj radhe nën radhët e Napolit. Ishte Victor Osimhen që shënoi për 1:1.
Teksa për rezultatin përfundimtar dhe fitoren e radhës të Napolit u përkujdes Elif Elmas, i cili shënoi në minutën e 35-të pasi asistimit të Osimhen.
Kjo ishte fitorja e 11-të e Napolit në 13 ndeshje, krahas edhe dy barazimeve dhe mbetet ende skuadra e vetme në Serie A që nuk e ka shijuar ende humbjen.
