Nadal tërhiqet nga Indian Wells dhe Miami Open për shkak të lëndimit
Një nga tenistët më të mirë në historinë e Tenisit, Rafael Nadal, nuk do të paraqitet në dy turnetë e ardhshëm, atë të Indian Wells dhe Miamit, për shkak të një lëndimi të pësuar në ije, të njohur në gjuhen popullore si propon.
Spanjolli, 36 vjeç, nuk ka konkurruar që nga humbja në raundin e dytë të Australian Open muajin e kaluar.
22-herë kampioni i Grand Slameve pritej të mungonte për gjashtë deri në tetë javë për shkak të një dëmtimi në kofshë që pengoi atë në humbjen e tij nga Mackenzie McDonald.
“Ne dëshirojmë që Rafa të vazhdojë shërimin dhe shpresojmë ta shohim atë vitin e ardhshëm”, tha drejtori i Indian Wells, Tommy Haas.
Nadal fitoi në eventin e Kalifornisë që fillon javën e ardhshme, gjatë viteve 2007, 2009, 2013 dhe humbi në finalen e vitit të kaluar nga amerikani Taylor Fritz.
Nadal ka qenë kryesisht i kufizuar në ushtrime dhe palestër në javët e fundit, por ishte në gjendje të fillonte një kthim gradual në fushë të hënën.
Ai gjithashtu do të humbasë Miami Open pas tre javësh.
Objektivi tjetër i Nadalit ka të ngjarë të jetë Masters në Monte Carlo, ku ai është 11 herë kampion.
Ngjarja e parë e madhe e sezonit evropian të fushave me balte fillon më 9 prill.
“Mora kohën time, fillova rehabilitimin, palestrën dhe fizioterapinë sipas udhëzimeve të mjekëve. Po bëhem gati të kthehem në kushtet më të mira fizike”, shkroi Nadal në Twitter.
It’s been a while since I don’t communicate with you. Took my time off, started rehab, gym and physiotherapy as instructed by the doctors. Getting ready to come back the in the best conditions. pic.twitter.com/DdRiH4aUyE
— Rafa Nadal (@RafaelNadal) February 28, 2023
"Jam i mërzitur që nuk do të jem në gjendje të konkurroj në Indian Wells as në Miami. Shumë i mërzitur që nuk jam atje. Do të më mungojnë të gjithë fansat e mi amerikanë, por shpresoj t'i shoh ata më vonë këtë vit gjatë turneve të verës," ka shtuar ai.
I am sad that I won’t be able to compete at Indian Wells nor Miami.
— Rafa Nadal (@RafaelNadal) February 28, 2023
Very sad not to be there. I’ll miss all my US fans but I hope to see them later this year during the summer swing. pic.twitter.com/v6dsf1ayTI
Ndërkohë, Cameron Norrie dhe Carlos Alcaraz janë tërhequr të dy nga Mexican Open të kësaj jave – pasi kanë konkurruar dy finale radhazi në ATP Tour.
Norrie ka përmendur lodhjen, ndërsa spanjolli Alcaraz po përballet me dëmtimin e këmbës që u duk qartë në humbjen e tij ndaj numrit një britanik në finalen e Rio Open të së dielës.
