Michael Owen paralajmëron Arsenalin dhe Man Utd të mos e transferojnë ish “dështakun” e Chelseas

Legjenda Michael Owen ka paralajmëruar se Arsenal dhe Manchester Unitedi nuk duhet ta transferojnë sulmuesin e Chelseas Timo Werner gjatë janarit.

Skuadra e Erik ten Hag është duke shikuar të përforcohet me një sulmues që ta ndihmojë Rasmus Hojlundin, pasi Anthony Martial vazhdon të jetë në formë të tmerrshme.

Ndërkohë, edhe Arsenal po dëshiron të përforcohet duke marrë parasysh lëndimet e shpeshta të Gabriel Jesusit.

Timo Werner është një opsion për të dy klubet, mirëpo Owen beson se nuk do të ishte një transferim i duhur për asnjërin nga klubet.

“Timo kishte një rekord të mirë dhe shënoi shumë gola para se të vinte në Premierligë”.

“Numri nëntë i Chelseas ka qenë vështirë për t’u përmbushur për shumë vite tani. Didier Drogba ka qenë i pabesueshëm, klubi ka provuar dhe ka dështuar me disa emra të mëdhenj”.

“Mendoni sa para kanë shpenzuar dhe emrat që kanë pasur. Është pozitë e vështirë dhe nuk do të thosha vetëm për Werner, pasi ka pasur shumë lojtarë që kanë vuajtur në dekadën e fundit”.

“Werner ka shënuar qartë shumë gola, por pyetja e madhe që do të kisha është të mendoj për një lojtar që do të vinte në Man United dhe do të performonte shumë mirë. E thashë të njëjtën gjë ndërsa qëndroja në vijën e kontaktit në Old Trafford disa vite më parë”.

“Nuk mendoj se bëhet fjalë për lojtarët për momentin. Ata duhet të gjejnë një mënyrë për të luajtur!”

Ai shtoi: “Me gjithë respektin e duhur, mendoj se Arsenali duhet të shikojë disa nga sulmuesit më të mirë në botë nëse ata janë seriozë për të konkurruar me të vërtetë për Premierligë dhe Ligën e Kampionëve. Të duhen tre nga katër sulmuesit më të mirë në botë për të fituar ato ndeshje dhe unë nuk do ta vendos Timon në atë kategori”.