Messi merr vendim se kur do të largohet nga Inter Miami, dëshiron të pensionohet te klubi i fëmijërisë
Siç raportohet, tashmë ylli argjentinas Lionel Messi, ka vendosur se kur do t’i jap fund karrierës së tij në futbollin profesionist, por kjo nuk do të ndodhë as në Inter Miami e as në Barcelonë, por te klubi i fëmijërisë, Newell’s Old Boys.
Kontrata e Messit me Inter Miami është caktuar të skadojë në vitin 2025, në të cilën pikë - sipas El Nacional - ai do të kërkojë të kthehet në klubin e fëmijërisë Newell's Old Boys në Argjentinë. Ekziston një mundësi që fituesi i Kupës së Botës të zgjasë marrëveshjen me Miami për një vit shtesë, por raportimi thotë se ai dëshiron të pensionohet në atdheun e tij.
Messi u largua nga Barcelona në vitin 2021 pas më shumë se dy dekadash në klub, pasi iu bashkua gjigantëve spanjollë nga Newell's si 13-vjeçar. Ai refuzoi një rikthim në Camp Nou kur u largua nga Paris Saint-Germain gjatë verës, dhe tani duket se një rikthim përrallor në Barca nuk do të ndodhë kurrë.
Messi shënoi 10 gola në shtatë ndeshjet e tij të para për skuadrën në pronësi të David Beckham në Miami, por ai e ka kaluar muajin e kaluar i dëmtuar. Ai do të luajë një ndeshje lamtumire te Barcelona në një moment, edhe nëse nuk kthehet të luajë për klubin e Barcelonës më.
