Messi dëshiron të luajë në Lojërat Olimpike 2024 së bashku me Di Marian
Lionel Messi pritet të kthehet në Paris, por kësaj radhe jo në nivel klubesh, por të luajë për Kombëtaren e Argjentinës në Lojërat Olimpike 2024, së bashku me Angel Di Marian, që ka shprehur gjithashtu gadishmëri.
Sipas D Sports, tetë herë fituesi i Topit të Artë është i etur për të përfaqësuar Albiceleste në Lojërat e ardhshme Verore në Paris pas mbrojtjes së titullit të Kupës së Amerikës në Shtetet e Bashkuara. Messi është i përgatitur për të arritur një dopietë historike me kombëtaren, pasi fitoi kurorën e tretë botërore të Argjentinës në Katar në dhjetor 2022. Megjithatë, gjithçka varet nga Argjentina që do të arrijë apo jo të kualifikohet për këtë event.
Argjentina do të fluturojë për në Kinë gjatë pushimit ndërkombëtar të marsit dhe menaxhmenti i ekipit ka vendosur të përfshijë disa lojtarë U-23 dhe U-20 në skuadër në mënyrë që të rinjtë të mund të fitojnë nga përvoja me Messin dhe Di Maria dhe të ndërtojnë kiminë para Olimpiadës. Gjithashtu, ekipi U-23 do të luajë dy miqësore në kuadër të përgatitjes për Lojërat Olimpike, në të cilat pritet të marrin pjesë të dy veteranët.
Messi dhe Di Maria ishin pjesë e skuadrës së Argjentinës për fitimin e të Artës Olimpike 2008 në Pekin dhe ky i fundit shënoi golin e fitores në finale kundër Nigerisë për të triumfuar. Ajo skuadër drejtohej nga Juan Riquelme dhe kishte superyje si Javier Mascherano, i cili aktualisht është trajner i ekipit U-23, Ever Banega, Sergio Aguero dhe Pablo Zabaleta për të përmendur disa nga emrat. Nëse Messi i jep skuadrës së tij një tjetër medalje në kryeqytetin francez, atëherë ai do të jetë lojtari i vetëm në histori që ka dy medalje të arta olimpike dhe një Kupë Botërore.
MLS do të jetë në ritëm të plotë gjatë Lojërave Olimpike. Megjithatë, Messi do të humbasë vetëm një ndeshje të vetme me Inter Miami, ndeshjen kundër Chicago Fire më 20 korrik. Ndërsa, Di Maria pritet të kthehet në Argjentinë për të bërë kthimin te klubi i tij i fëmijërisë, Rosario Central, pas përfundimit të kontratës me Benficën në fund të sezonit aktual.
