Mësohet data dhe koha e shortit për Kupën e Botës 2026

FIFA ka konfirmuar zyrtarisht orën dhe datën për shortin e ardhshëm kualifikues të Kupës së Botës për vendet anëtare të UEFA-s.

Sot (e martë), shtëpia e futbollit botëror konfirmoi se shorti për kualifikimet e Kupës së Botës, do të hidhet më 13 dhjetor, me fillim nga ora 12:00.

Kupa e Botës 2026 do të përfshijë tani 48 kombe, në vend të formatit që dikur ekzistonte me 32 kombëtare, ku 16 vende janë rezervuar për evropianët, kurse kishin 13 vende më herët.

Si funksionon kualifikimi?

Edhe pse turneu është zgjeruar, procesi kualifikues i UEFA-s ka bërë të kundërtën.

Kësaj radhe, skuadrat do të ndahen në 12 grupe me nga katër ose pesë kombëtare.

Secili vend do të luajë dy herë me njëri-tjetrin; një herë në shtëpi dhe një herë jashtë dhe do të marrë tre pikë për një fitore, një për një barazim dhe asnjë për një humbje, si zakonisht.

12 fituesit e grupeve do të kualifikohen automatikisht në turneun final. 12 nënkampionët do të hyjnë në një rrugë play-off, së bashku me katër fituesit e grupeve të Ligës së Kombeve të UEFA-s më të renditur që nuk janë kualifikuar tashmë. Këto 16 skuadra më pas do të zvogëlohen në katër, dhe ato katër do të kualifikohen gjithashtu në Kupën e Botës.

Kur janë kualifikimet e para evropiane?

Ekipet e ndara në short me pesë skuadra do të fillojnë procesin e kualifikimit gjatë pushimit të ardhshëm ndërkombëtar, i cili aktualisht është planifikuar për në mars 2025. Skuadrat e ndara me katër kombëtare do të fillojnë në shtator përballjet e tyre.