Mësohen të gjithë finalistët e play-offit, gjashtë kombëtare luftojnë për tri vende në EURO 2024 - NACIONALE
NACIONALE

Mësohen të gjithë finalistët e play-offit, gjashtë kombëtare luftojnë për tri vende në EURO 2024

2 vjet më parë

nga NACIONALE

Kanë përfunduar gjysmëfinalet e play-offit të Ligës së Kombeve, përmes të cilës do ta sigurojnë tri kombëtare pjesmarrjen në EURO 2024.

Gjeorgjia ishte finalistja e parë, pasi fitoi me rezultat komod 2:0 ndaj Luksemburgut disa orë më parë, ndërsa tani kanë përfunduar edhe ndeshjet e tjera.

Qëndrojmë te Liga C, ku përballja tjetër mes Greqisë dhe Kazakistanit ka përfunduar me fitore të thellë të këtyre të parëve me rezultat 5:0.

Bakasetas, Pelkas, Ioannidis, Kourbelis dhe një autogol i Tapalov ishin realizatorët e fitores, me Greqinë që është një hap larg Evropianit.

Në finale Greqia përballet me Gjeorgjinë dhe fituesi siguron një nga tri biletat për në Evropian.

Në Ligën B, ishin dy gjysmëfinale interesante. Bosnia dhe Hercegovina u takua me Ukrainën, ndërsa Izreali me Islandën.

Izraeli u mund me rezultat të thellë 1:4 nga Islanda, me këta të fundit që në finale takohen me Ukrainën që bëri përmbysje të çmendur ndaj Bosnjës, duke fituar 2:1.

Nga Liga A, fitore të thellë shënoi Polonia që e mposhti Estoninë me rezultat 5:1, e poshtërim pësoi edhe Finlanda që humbi 4:1 nga Uellsi.

Finalja e Ligës A do të jetë mes Polonisë dhe Uellsit, për një vend në EURO 2024.

Të gjitha ndeshjet finale do të zhvillohen të martën më 26 mars, ku do të mësohen tri skuadrat e fundit pjesëmarrëse të Kampionatit Evropian 2024 që mbahet në Gjermani.

Orari i finaleve

Finalja e Ligës A: Poloni - Uells fillon në 18:00;

Finalja e Ligës B: Ukrainë - Islandë fillon në 20:45 dhe

Finalja e Ligës C: Gjeorgji - Greqi me fillim nga ora 18:00.

Tjera:

Lajme të ngjashme