Merino shumë pranë Arsenalit, Real Sociedadi nuk e fton për ndeshjen hapëse në LaLiga
Ylli spanjoll, Mikel Merino, është lënë jashtë skuadrës së Real Sociedadit për ndeshjen hapëse të tyre në La Liga, kështu duke i hapur rrugën një transferimi te Arsenali.
Të premten u raportua se Topçinjtë janë afër një marrëveshjeje me klubin bask për një tarifë transferimi prej 29.8 milionë funte (39 milionë dollarë) për mesfushorin. Me Sociedadin që do të përballet me Rayo Vallecano të dielën në ndeshjen e tyre të parë të sezonit të ri, ata e kanë lënë jashtë skuadrës yllin e kombëtares spanjolle.
📋 𝐒𝐪𝐮𝐚𝐝 𝐥𝐢𝐬𝐭 for tomorrow’s match. AUPA REAL!!!#RealSociedadRayo pic.twitter.com/68jXhW1zxd
— Real Sociedad 🇺🇸 🇬🇧 (@RealSociedadEN) August 17, 2024
Pa asnjë lajm për ndonjë çështje fizike që e mban jashtë, zhvillimi i fundit është marrë si konfirmim se 28-vjeçari së shpejti do të konfirmohet si një shtesë e re në skuadrën e Mikel Artetës, pasi është raportuar se ai tashmë ka arritur në një marrëveshje personale me klubin e Londrës veriore.
Skuadra e Premierligës nuk ishte skuadra e vetme e interesuar për nënshkrimin e Merinos këtë verë. Barcelona ishte lidhur me të pasi Hansi Flick shpresonte të forcohej në mesfushë përpara sezonit të tij debutues në klubin katalanas, por që atëherë ai ka përjashtuar çdo ardhje të re.
Arsenali e ka nisur sezonin e ri në Premierligë, ku pas pjesës së parë është duke fituar 1:0 ndaj Wolves.
Në ditët në vijim pritet të konfirmohet nënshkrimi i Merinos.
