“Më rrjedh gjak nga veshët” – De Gea, Casillas e Bellerin të fundit që bashkohen kundër presidentit të federatës spanjolle
David De Gea, Iker Casillas dhe Hector Bellerin, janë të fundit që kanë gozhduar presidentin e federatës spanjolle të futbollit, Luis Rubiales, me këtë të fundit që po refuzon të japë dorëheqje, pas skandalit që bëri duke puthur njërën nga futbollistet në ceremoninë e shpërblimeve.
Pasi Spanja pushtoi Kupën e Botës FIFA 2023, Rubiales u pa duke kapur yllin e Barcelonës Jenni Hermoso dhe duke e puthur në buzë gjatë ceremonisë së dhënies së medaljeve dhe trofeut pas ndeshjes.
Mes presionit në rritje nga të gjitha anët, duke përfshirë kryeministrin e Spanjës Pedro Sanchez, Rubiales mbetet sfidues dhe ka refuzuar të lirojë zyrën dhe në vend të kësaj është zotuar të çojë rastin e tij në gjykatë nëse është e nevojshme.
Edhe pse ka kërkuar falje për veprimet e tij, ai vazhdon të këmbëngulë se ishte një "puthje konsensuale" pavarësisht se Hermoso pretendoi se "nuk i pëlqeu".
Disa futbollistë të shquar, përfshirë ish-portierin e Manchester United, De Gea, reaguan ndaj deklaratës së Rubiales dhe kritikuan presidentin për qëndrimin e tij.
Portieri shkroi në Twitter: "Me sangran los oídos [Më rrjedhin veshët gjak] 🎪🎭.”
Me sangran los oídos 🎪🎭
— David de Gea (@D_DeGea) August 25, 2023
Ndërkohë, legjenda e Spanjës dhe Real Madridit, Iker Casillas ka shkruar: "Këto 5 ditë duhet t'i kalojmë duke folur për vajzat tona! Nga gëzimi që na dhanë të gjithëve! Të mburremi me një titull që nuk e kishim në futbollin e grave, por...)".
Tendríamos que estar estos 5 días hablando de nuestras chicas! De la alegría que nos dieron a todos! De presumir de un título que no teníamos en el fútbol femenino pero…
— Iker Casillas (@IkerCasillas) August 25, 2023
Ndoshta kritika më e ashpër erdhi nga Hector Bellerin, i cili e quajti Rubiales një "narcisist" dhe e quajti situatën një "turp të vërtetë".
Ai shkroi në storyn e tij në Instagram: "Kjo që po ndodh është me të vërtetë e turpshme. Nga përfaqësimi i vendit tonë me atë nivel vulgariteti, keqinterpretimi i deklaratave të viktimës dhe, mbi të, të kesh guximin për ta fajësuar atë, duke e viktimizuar atë se ka ka kryer një abuzim, janë fakte që askush nuk do t'i bënte. Si mund të kalojë pa u ndëshkuar kjo? Futbolli është një mjet social për të bërë avancime dhe përparim, ‘machismo’ nuk duhet të ketë vend brenda këtij sistemi. Narcisi nuk beson kurrë se ka bërë një gabim, ai është i aftë të gënjejë, të manipulojë të vërtetën dhe të bëjë viktima fajtore për të ruajtur pushtetin e tij mbi të tjerët”.
Ndërkohë, sulmuesi i Real Betis, Borja Iglesias ka bërë të ditur se do të bojkotojë kombëtaren e Spanjës në shenjë proteste ndaj Rubiales.
