Mbappe mezi pret të luajë për skuadrën e re pasi të largohet nga PSG
Ylli francez, Kylian Mbappe, ka thënë se mezi pret të nënshkruajë dhe të luajë me skuadrën e re, pasi të largohet nga Paris Saint-Germain këtë verë, pas shtatë viteve qëndrim.
Sulmuesi francez nuk ka zbuluar se ku do të luajë më pas, edhe pse ai pritet t'i bashkohet Real Madridit në një transferim të lirë këtë verë pasi t'i skadojë kontrata e tij me PSG-në.
“Do të jetë një përvojë e mrekullueshme dhe mezi pres të jem në klubin tim të ri”, tha Mbappé për CNN Sport. “Do të largohem nga vendi im [për një ligë tjetër] për herë të parë. Unë dua të fitoj trofe... Kur flisni për futbollin, [është për] fitimin e trofeve, të qenurit me shokë të rinj. Tani, unë kam kontratën time me PSG-në... Të gjithë e dinë se së shpejti përfundon dhe ne do të shikojmë se çfarë do të ndodhë më pas."
Mbappe, i cili u emërua lojtari evropian i vitit në edicionin evropian të Globe Soccer Awards të së martës, ishte afër bashkimit me Reaë Madridin dy vjet më parë.
Megjithatë, Mbappe pati një ndryshim të vonuar në mendje dhe nënshkroi një kontratë të re me PSG deri në qershor 2024, një vendim për të cilin tha se nuk i vjen keq.
“Ishte më shumë sesa thjesht të qëndroja në PSG. Ishte Kupa e Botës në Katar. Kishte shumë gjëra rreth këtyre gjërave. Ishte një vendim i madh, vendim i vështirë... por nuk pendohem për asgjë. Sigurisht, në një karrierë, duhet të marrësh vendime të vështira dhe kjo është ajo që bëra, por u bëra golashënuesi më i mirë i të gjitha kohërave me PSG-në. Unë thjesht dua të kujtoj gjërat më të mira... Nuk ishte një situatë e lehtë dhe uroj që askush të mos e jetojë atë situatë."
I pyetur nëse ai do të bëjë tifo për Real Madridin kur kampionët spanjollë të përballen me Borussia Dortmundin në finalen e Ligës së Kampionëve të shtunën në stadiumin Wembley, Mbappe buzëqeshi dhe tha: "Jo. Unë thjesht do ta shikoj finalen si ju. Kur e doni futbollin, shikoni çdo ndeshje. Unë shikoj çdo ndeshje kur mundem, si në Francë, Angli, Spanjë, Gjermani, në çdo ligë tjetër. Kështu që natyrisht se do ta shikojë finalen e Ligës së Kampionëve."
