Mbappe kthehet në stërvitje pas lëndimit: Pa rrezikuar nuk ka fitore
Kylian Mbappe u pa në stërvitje dje (e mërkurë) me një maskë që mbulonte hundën e tij të thyer, në paraqitjen e tij të parë që nga lëndimi me plot gjak i shkaktuar në ndeshjen hapëse të 'Gjelave'.
Një postim me kode nga ylli i Real Madridit, jep një pasqyrë të mendësisë së tij, teksa pritet të zbulohet se a do të luajë në ndeshjen e radhës, apo sa do të mungojë.
“Pa rreziqe, nuk ka fitore”, shkroi sulmuesi në Instagram në komentin e vetëm deri më tani nga Mbappe apo drejtuesit e ekipit francez në një ditë kur lojtari i ri i Real Madrid iu nënshtrua më shumë testeve për dëmtimin e hundës që pësoi në fitoren 1:0 Austrisë të hënën.
Mbappe doli për një seancë stërvitore pasdite vonë në Home Deluxe Arena në Paderborn rreth 30 minuta pas shokëve të tij. Ai fillimisht u pa duke vrapuar vetëm me topin, me një trajner, dhe më vonë duke folur me trajnerin e Francës, Didier Deschamps, përpara se të merrte pjesë në një stërvitje gjuajtjeje me lojtarë të tjerë.
Ndeshja e radhës e Francës është kundër Holandës të premten dhe skuadra ende nuk e ka konfirmuar zyrtarisht nëse Mbappe është në dispozicion.
Më herët të mërkurën, diagnoza mbi Mbappe kishte qenë mjaft inkurajuese nga dy nga shokët e tij të skuadrës.
Adrien Rabiot dhe William Saliba thanë se Mbappe do të jetë shumë shpejt me skuadrën dhe se ai ndjehet mirë.
Mbappe theu hundën kur fytyra e tij u përplas me shpatullën e mbrojtësit të Austrisë, Kevin Danso. Gjaku u pa duke derdhur nga hunda e Mbappes e fryrë keq, duke i kthyer në të kuqe pjesë të fanellës së tij të bardhë të Francës. Ai do të duhet të mbajë një maskë për fytyrën nëse luan në turne, tha ekipi i tij.
Franca mendohet se nuk do ta rrezikojë fare, nëse shohin se mund ta kalojnë grupin pa probleme, me fazën e eliminimit direkt që nis më 29 qershor, kohë e mjaftueshme për t'u kthyer nga një lëndim i tillë.
