Mason Mount me mesazh emocional për tifozët e Chelseat e konfirmon transferimin te Manchester Unitedi
Mason Mount ka konfirmuar largimin e tij nga Chelsea në drejtim të Manchester Unitedit me anë të një videomesazhi që mesfushori anglez e ka postuar në Instagramin e tij, duke iu drejtuar tifozëve të skuadrës londineze.
24-vjeçari ka shpjeguar vendimin e tij për t’u larguar nga klubi ku u rrit që nga mosha gjashtëvjeçare.
“Përshëndetje tifozë të Chelseat”, tha ai. “Duke pasur parasysh spekulimet gjatë gjashtë muajve të fundit, kjo mund të mos jetë surprizë për ju. Por nuk e bën më të lehtë t'ju them se kam marrë vendimin të largohem nga Chelsea,” e filloi mesazhin e tij emocional Mount.
Ai vazhdoi tutje duke qenë mirënjohës për mundësinë që ia ka dhënë skuadra londineze dhe falënderoi gjithë stafin, përfshirë edhe akademinë.
“Ndjeva se ju meritoni më shumë sesa thjesht një deklaratë me shkrim, kështu që doja t'ju tregoja drejtpërdrejt se sa mirënjohës kam qenë për të gjithë mbështetjen tuaj gjatë 18 viteve të fundit. E di që disa prej jush nuk do të jenë të kënaqur me vendimin tim, por kjo është ajo që është e duhura për mua në këtë moment në karrierën time. Unë iu bashkova Chelseat kur isha gjashtë vjeç dhe kemi kaluar shumë së bashku. Fitimi i Kupës së të rinjve, çmimet e mia për lojtarin e vitit, Superkupën, Kupën e Botës për Klube dhe sigurisht atë natë të paharrueshme kur fituam Liga e Kampioneve. Dua të falënderoj akademinë, Jim dhe Neil që kanë qenë kaq me ndikim tek unë që në moshë kaq të re. Menaxherët me të cilët kam punuar, Frank, Thomas dhe Graham. Stafi i dhomës së pasme, heronjtë që nuk përmendën kurrë të Cobham, të gjithë bashkëlojtarët e mi gjatë viteve që janë bërë vëllezërit e mi, familja ime për dashurinë dhe mbështetjen e vazhdueshme dhe më e rëndësishmja, ju djema që keni qëndruar me mua gjatë gjithë kohës. Ju uroj gjithë të mirat."
Mason Mount x Chelsea fans. 🔵 #CFC pic.twitter.com/73A5ZIdKuV
— Fabrizio Romano (@FabrizioRomano) July 4, 2023
Mount do të nënshkruajë kontratë me Manchester Unitedin për pesë vitet e ardhshme, me një mundësi që klubi t’ia zgjasë edhe për një vit. Ai do të fitojë diku afër 300 mijë euro në javë, varësisht nga paraqitjet e tij.
