“Marrëveshje e mirë për të gjithë ne” – Brighton e konfirmon huazimin e Ansu Fatit nga Barcelona
Sulmuesi i Barcelonës, Ansu Fati, do të transferohet në formë huazimi te skuadra e Premierligës, Brighton.
Brighton ka njoftuar ardhjen e sulmuesit të Barcelonës, Ansu Fati në huazim për një sezon. Reprezentuesi spanjoll mbërrin në skuadrën e Premierligës në kërkim të minutave të rregullta pasi humbi rëndësinë në Camp Nou dhe nisi tre ndeshjet e para të sezonit të Barcelonës në stol.
Fati do të shpresojë ta rikthejë karrierën e tij në rrugën e duhur në Brighton pas disa viteve të vështira në Barcelonë. Sulmuesi është rikuperuar nga disa dëmtime të rënda, por nuk ka arritur të rizbulojë formën mbresëlënëse që tregoi kur u fut për herë të parë në ekipin e parë si 16-vjeçar. Marrëveshja e Fatit nuk përfshin një opsion blerjeje, që do të thotë se ai do të kthehet te Barcelona në fund të sezonit.
We are pleased to confirm the signing of @ANSUFATI on a season-long loan from @FCBarcelona! 🤝
— Brighton & Hove Albion (@OfficialBHAFC) September 1, 2023
"Kjo është një marrëveshje e madhe për të gjithë ne. Jam i sigurt se Ansu do të na ndihmojë të arrijmë një objektiv të ri dhe ne mund ta ndihmojmë atë të kthehet në nivelin që meriton të jetë," tha trajneri Roberto De Zerbi për faqen zyrtare të klubit.
Ndeshja tjetër e Brighton është në shtëpi ndaj Newcastle në Premierligë të shtunën, me Ansu Fatin që vështirë se do të jetë i gatshëm për të luajtur.
