Manuel Neuer rikthehet në stërvitje te Bayern Munich
Portieri Manuel Neuer është rikthyer në stërvitje te Bayern Munich pas disa muajve jashtë fushës.
37-vjeçai ishte në pushime në Gjermani ku theu këmbën gjatë skijim dhe pastaj u detyrua të operohet, si pasojë e humbi edhe sezonin.
Mirëpo pas tërë këtyre muajve, Bayern Munich ka njoftuar se Neuer është rikthyer në stërvitje.
“Manuel Neuer është rikthyer me skuadrën e Bayernt në fushë”.
“Në stërvitjen e të hënës me lojtarët që nuk kanë nisur ndaj Augsburgut, kapiteni 37-vjeçar zhvilloi stërvitjen e parë për herë të parë që kur theu këmbën e djathtë”.
“Neuer ka qenë i lënduar që nga dhjetori i vitit 2022, por tani ka bërë hapin e radhës për t’u rikthyer”, shkruhet në komunikatë
Menjëherë pas lëndimit të gjermanit, Bayern e zëvendësoi me Jan Sommer i cili i është bashkuar Interit së fundmi.
Ndërkohë, Neuer pritet ta rifitojë vendin në 11-shen bazë sapo t’i zhvillojë edhe disa stërvitje në ditët në vijim.
Gjermani që shumë vite është titullar i padiskutueshëm te “bavarezzët”, ku me paraqitje të vazhdueshme ka dëshmuar pse është një ndër portierët më të mirë në histori.
