Manchester Unitedi afër të arrijë marrëveshje me Nicen për Todibon
Manchester Unitedi është afër që të nënshkruajë marrëveshje me Jean-Clair Todibo nga Nice për 40 milionë euro.
L'Equipe raporton se Unitedi tani po i afrohet nënshkrimit të qendërmbrojtësit pasi ata vazhdojnë të forcojnë skuadrën e Erik ten Hag. Lëvizja e mbrojtësit në klub thuhet se është 'në horizont', pavarësisht se Harry Maguire ende nuk është larguar nga klubi.
Mbrojtësi i Nice ishte shpallur si zëvendësuesi i mundshëm i Maguires, por kalimi i mbrojtësit anglez te West Ham nuk u bë në fillim të kësaj vere. Sidoqoftë, duket se klubi po ecën përpara me një marrëveshje për të sjellë Todibon në klub.
United thuhet gjithashtu se është i interesuar për mbrojtësin e Bayern Munichut, Benjamin Pavard, por ai është afër një marrëveshjeje për të shkuar te Inter Milan, kështu që klubi dërgoi vrojtuesit e talenteve për të parë Todibon në aksion kundër Lille në fundjavën hapëse të Ligue 1.
United do të shpresojë të nënshkruajë shpejt me të talentuarin Todibo; me djajtë e kuq që luajnë me Nottingham Forest në Premierligë të shtunën, pasi zhgënjyen në javën e dytë.
