Manchester City arrin marrëveshje të plotë për t'u bashkuar sërish me Gundogan

Ilkay Gundogan pritet të kthehet te Manchester City nga Barcelona, pasi një marrëveshje afatshkurtër thuhet se është arritur me kampionët në fuqi të Premierligës.

Gundogan do të rikthehet në Etihad Stadium vetëm një vit pas largimit të tij. Sipas The Athletic, 33-vjeçari do të nënshkruajë një marrëveshje njëvjeçare me Cityn, me opsionin e një shtesë prej 12 muajsh. Ish-reprezentuesi gjerman madje do të heqë dorë nga dy vitet e mbetura të pagës së tij që do t'i detyrohej Barcelona, për të lehtësuar lëvizjen.

Gundogan bëri më shumë se 50 paraqitje në të gjitha garat për Barcelonën sezonin e kaluar dhe u emërua në ekipin e sezonit në La Liga. Por një ndryshim në trajner në Camp Nou ka paralajmëruar një vizion të ri dhe mesfushorit veteran iu tha se ai nuk ishte pjesë e planeve të Hansi Flick. Gundogan thuhet se ka zhvilluar bisedime me Pep Guardiolën për rikthimin e tij dhe shefi i Cityt aprovoi transferimin.

Guardiola e bëri Gundoganin nënshkrimin e tij të parë si trajner i Cityt në vitin 2016, dhe mesfushori vazhdoi me 188 paraqitje gjatë periudhës së tij të parë me klubin. Ai fitoi pesë herë titullin e Premierligës, dy herë Kupën FA dhe Ligën e Kampionëve gjatë shtatë viteve të paharrueshme.

Kampionët në fuqi të Premierligës kanë kaluar një verë të qetë; Gundogan do t'i bashkohet brazilianit Savinho si nënshkrimet e tyre të vetme deri më tani. Por performanca e tyre në fitoren 2:0 të së dielës ndaj Chelseat tregoi se kësaj skuadre nuk i duhet shumë për të qenë në 'gjueti' për t'i bërë pesë tituj radhazi në elitën angleze. Ata do të përballen me Ipswich Town në shtëpi të shtunën.