Man City e “demolon” Huddersfieldin, avancon tutje në FA Cup

2 vjet më parë

nga NACIONALE

Manchester City ka shënuar fitore të thellë në shtëpi ndaj Huddersfield për të avancuar në rrethin e 16-të të FA Cup.

“Qytetarët” ishin të jashtëzakonshëm duke fituar me rezultat të thellë 5:0.

Phil Foden me një gol të bukur i dha epërsinë Man Cityt duke përfituar nga asistimi i Alvarezit (33’).

Ndërsa, vetëm katër minuta më vonë Alvarez u asistua nga Lewis për ta dyfishuar epërsinë (37’).

Në pjesën e dytë, Man City mori edhe më shumë dominimin pasi De Bruyne dhe Doku u rikthyen nga lëndimet.

Talenti norvegjez Oscar Bobb u përkujdes për golin e tretë pas asistimit të Nunes (58’).

Kurse, Foden realizoi golin e dytë personal dhe të katërtin për Cityn pas asistimit të Kovacicit (65’).

Fitoren e vulosi vetë Doku pas asistimit të De Bruynes (74’).

Kësisoj, Man City avancon në raundin e katërt të FA Cup dhe kundërshtarin do ta mësojë pas hedhjes së shortit.