Lukaku pritet t’i injoroj urdhrat e Pochettinos për t’u kthyer në stërvitje, dëshiron me çdo kusht Interin
Synimi kryesor i Interit për afatin kalimtar veror, Romelu Lukaku, thuhet se do t’i injorojë urdhrat e trajnerit të ri të Chelseat, Mauricio Pochettinos, për t’u kthyer në stërvitjet parasezonale me të kaltrit, pasi sulmuesi belg po e dëshiron me ngulm transferimin te zikaltrit.
The Telegraph raporton se Lukaku nuk do të kthehet në perëndim të Londrës të mërkurën siç ishte planifikuar, pasi ai pret të zbulojë nëse Interi do të jetë në gjendje ta nënshkruajë atë edhe një herë, pasi e ka marrë atë në huazim për sezonin 2022/23. Pochettino, trajneri i ri i të kaltërve, kishte thënë më parë se ai priste që sulmuesi belg të kthehej, në mënyrë që dyshja të mund të flisnin për të ardhmen e tij.
Pochettino tha në konferencën e tij të parë për shtyp te Chelsea: "Unë personalisht mendoj se të gjitha palët e dinë se çfarë mendojmë ne. Në këtë rast ai duhet të kthehet më 12 ose 13 [korrik] për të qenë pjesë e skuadrës për të filluar para-sezonin. Kur lojtari arrin, gjëja e parë që ata do të bëjnë është të vijnë në zyrën time për të më parë dhe përshëndetur. Kjo është ajo që unë pres nëse ai është ende një lojtar i Chelseat."
Lukaku ka qenë subjekt i një sërë ofertash, duke përfshirë një nga Arabia Saudite, por ai duket se po pret një lëvizje të përhershme te Interi. Klubi i Serie A-së pritet, sipas The Telegraph, të ofrojë rreth 40 milionë euro për sulmuesin 30-vjeçar, por Chelsea e vlerëson atë më shumë se 45 milionë euro.
