Lukaku konfirmon kalimin te Roma: Nesër do ta nënshkruaj kontratën
I padëshiruari i Chelseat, Romelu Lukaku, ka konfirmuar largimin në drejtim të Romës, ku tha se nesër do ta nënshkruajë kontratën, që do të jetë në formë huazimi njëvjeçar.
Drejtorët e verdhekuqve, Ryan Friedkin dhe Tiago Pinto fluturuan për në Londër dje për të negociuar një marrëveshje me të kaltrit pas një telefonate eksploruese nga presidenti i klubit Dan Friedkin.
Dyshja e Romës hëngri darkë me homologët e tyre të Chelseas dje pas fitores 3:0 ndaj Luton Town dhe u takuan sërish këtë mëngjes për të punuar në detajet e një marrëveshjeje, e cila pritet të jetë një marrëveshje huazimi prej 5 milionë eurosh pa klauzolë qëndrueshmërie.
Duke folur për Het Laatste Nieuws në një turne të të rinjve në Belgjikë këtë mëngjes, ku djali i tij luajti me Anderlecht, Lukaku konfirmoi lëvizjen e tij të afërt te Roma.
"Jam nervoz (për debutimin e djalit të tij), do të shkoj në Romë nesër për të nënshkruar."
Lukaku ka qenë në qendër të vëmendjes në afatin kalimtar të transferimeve të Serisë A këtë verë. Ai fillimisht dukej i destinuar të kthehej në Inter pas huazimit sezonin e kaluar, por ata u larguan pasi zbuluan bisedimet e tij të fshehta me Juventusin.
Zonja e vjetër u përpoq të negocionte një marrëveshje me Chelsean, por kufizimet financiare bënë që oferta e tyre të varej nga Dusan Vlahovic, një faktor që shkaktoi një pengesë të pakapërcyeshme, duke lejuar Romën të dilte e para në garë, në fund të afatit kalimtar.
