Luis Enrique dëshiron gjashtë nënshkrime te PSG, në mesin e tyre edhe Harry Kane
Trajneri i ri i Paris Saint-Germain, Luis Enrique, ka kërkuar nga drejtuesit të nënshkruajnë me gjashtë futbollistë të rinj, në mesin e tyre edhe Harry Kane, para se të mbyllet afati kalimtar veror.
Trajneri spanjoll po i shtyn kampionët e Ligue 1 të nënshkruajnë të paktën me pesë lojtarë dhe një të gjashtë nëse Marco Verratti largohet nga klubi këtë verë. Ai dëshiron dy anësorë, një mesfushor, një portier dhe mundësisht Kane nga Tottenham Hotspur, sipas Sports Zone.
Kapiteni anglez mbetet një prioritet për Enriquen, i cili shpreson ta nënshkruajë atë për shkak të marrëdhënies së tij të përzemërt me kryetarin e Spurs, Daniel Levy. Por Kane mund të shkojë te Bayern Munich këtë verë pasi lojtari ka prioritet një kalim në Bundesliga mbi Ligue 1.
PSG po shikon gjithashtu një lëvizje për Bernardo Silva të Manchester Cityt pasi Enrique e sheh portugezin si një zëvendësues në mesfushë në rast se Verratti vendos të largohet nga klubi. Italiani është i lidhur ngushtë me një kalim te klubi i Ligës Pro saudite, Al Hilal.
