Lojtari i bejsbollit goditet nga një plumb qorr derisa po luante
Një lojtar i Kolegjit Texsas A&M-Texarkana u godit nga një plumb qorr gjatë një loje, për t’iu nënshtruar një operacioni urgjent dhe tani është në gjendje të qëndrueshme, njoftoi Kolegji.
Matthew Delaney, 18 vjeç, nga Princeton, Teksas, po qëndronte pranë shtyllës në George Dobson Stadium në Spring Lake Park në Texarkana gjatë një loje kundër Kolegjit të Houston-Victoria të dielën pasdite kur u godit në gjoks nga një plumb.
Departamenti i Policisë së Texarkana tha se ata morën disa thirrje për të shtëna në një lagje në perëndim të parkut dhe besojnë se plumbi që goditi Delaney ishte nga një shkëmbim zjarri që ndodhi atje. Policia nuk beson se Delaney ishte në shënjestër.
“Ngjarja ka nisur si rrjedhojë e një rrëmuje atje që ka çuar në dy persona që kanë qëlluar njëri-tjetrin para shtëpisë”, shkruan Departamenti i Policisë në Texarkana në një postim në Facebook. "Një nga ato shkëmbime zjarri të gabuara udhëtoi rreth 400 metra dhe goditi viktimën e pafajshme në fushën e bejsbollit."
Demarco Banks, 20 vjeç, për të cilin policia beson se ishte një nga sulmuesit, u dorëzua me akuzën për sjelle vdekjeprurëse. Policia është ende në kërkim të Kamauri Butler, 17 vjeç, i cili besohet të jetë autori tjetër i armatosur. Ai kërkohet me urdhër për sulm të rëndë.
Oficerët arrestuan gjithashtu Yankeengea Smith, 49 vjeç, për posedim të paligjshëm të një arme zjarri nga një kriminel dhe dy akuza për posedim të një substance të kontrolluar, Nathan Moore, 19 vjeç, për manipulim të provave dhe posedim të marijuanës dhe Marcell Beaver, 19 vjeç, për posedim marijuanë.
Loja u ndërpre pa fitues. Një zëdhënës i A&M-Texarkana tha të hënën se trajneri i bejsbollit Steve Jones ishte në gjendje të vizitonte Delaney pasditen e djeshme ndërsa ai shërohej.
