Liverpooli po përgatit ofertë të përmirësuar për mesfushorin Romeo Lavia
Liverpooli është duke përgatitur një ofertë të përmirësuar prej 55 milionë eurosh për mesfushorin Romeo Lavia të Southamponit, pasi këta të fundit kanë refuzuar një ofertë hapëse.
Të kuqtë panë që oferta e tyre fillestare me vlerë 45 milionë euro të rrëzohet dhe është raportuar se nevojitet një ofertë më afër 60 milionë euro për të bindur ‘shenjtorët’ që ta lënë atë të shkojë. Sipas Fabrizio Romano, Liverpool tani është i gatshëm të testojë vendosmërinë e Southampton me një ofertë të re me afër 55 milionë euro në pagesë të garantuar plus afër pesë milionë në shtesa, që arrijnë te shifra e kërkuar.
Liverpool e ka emëruar Lavian objektivin e tyre kryesor për të përforcuar mesfushën, me largimin e Fabinhos në afërsi. Jordan Henderson tashmë ka përfunduar transferimin e tij në Al Ettifaq, gjë që i ka komplikuar më tej gjërat. Për më tepër, interesimi i Chelseat për Lavia e intensifikon konkurrencën, duke e shtyrë Liverpoolin të përshpejtojë negociatat.
Skuadra e Anfield ka nënshkruar tashmë me Alexis Mac Allister dhe Dominik Szoboszlai për të forcuar mesfushën e tyre, por janë të vendosur të shtojnë Lavian për të përfunduar rindërtimin e tyre.
