Liverpool në negociata të avancuara me Gakpon
Liverpooli është në negociata të avancuara për të nënshkruar me sulmuesin Cody Gakpo nga PSV Eindhoven dhe janë afër arritjes së një marrëveshjeje për të nënshkruar me holandezin.
Klubi i Premierligës shpreson të finalizojë transferimin shpejt, përpara rihapjes së dritares së transferimeve më 1 janar me një ofertë zyrtare që është bërë në vlerën e 37 milionë funte.
Nënshkrimi i mundshëm pason paraqitjen e fortë të Gakpo në Kupën e Botës, me tre gola në pesë ndeshje ndërsa vendi i tij arriti në çerekfinale.
Manchester United dhe Chelsea gjithashtu kanë marrë në konsideratë Gakpon, por Liverpool tani ka kaluar në “pole position” për të siguruar një nga lojtarët më të lakmuar të Evropës.
Gakpo ka grumbulluar 35 gola dhe asistime për PSV-në dhe kombëtaren holandeze këtë sezon, duke ruajtur formën pjellore që tregoi në sezonin 2021-2022.
🚨 Liverpool close to reaching agreement with PSV Eindhoven to sign Cody Gakpo. Negotiations at advanced stage; initial fee likely ~£37m. Moving fast + if all goes to plan 23yo #NED forward will travel for medical @TheAthleticFC after @_pauljoyce #LFC #PSV https://t.co/lC5SyOoZyp
— David Ornstein (@David_Ornstein) December 26, 2022
Leeds United iu afrua blerjes së Gakpos në ditën e fundit të afatit kalimtar të verës së kaluar dhe dërgoi drejtorin e tyre të futbollit Victor Orta për të përfunduar blerjen.
Megjithatë, sulmuesi mbeti në PSV dhe vlera e tij është rritur në periudhën e ndërmjetme.
Liverpool ka një marrëdhënie të fortë me përfaqësuesit e Gakpo, SEG, të cilët kujdesen gjithashtu për menaxherin e Manchester City, Pep Guardiola dhe trajnerin e Manchester United, Erik ten Hag.
Liverpool fitoi në Aston Villa të hënën për të qëndruar në vendin e gjashtë në Premierligë, por tani ata janë vetëm pesë pikë prapa vendeve të Ligës së Kampionëve pas një fillimi të vështirë të sezonit.
