Lionel Messi humb kualifikueset për Kupën e Botës shkaku i lëndimit
Sulmuesi Lionel Messi i ka humbur dy ndeshjet kualifikuese për Kupën e Botës, shkaku që po vazhdon të shërohet nga lëndimi që pësoi në finalen e Kupës së Amerikës.
Fituesi i tetë herë Topit të Artë zhvilloi pak më shumë se në orë lojë në fitoren 1:0 në Kupën e Amerikës ndaj Kolumbisë më 14 korrik dhe që atëherë nuk ka zhvilluar asnjë ndeshje.
Inter Miami e ka konfirmuar se Messi ka dëmtuar ligamentin në gjurin e djathtë, ndërsa nuk është caktuar ndonjë datë se kur do të kthehet.
Kësisoj, përzgjedhësi Lionel Scaloni nuk e ka ftuar Messin por emra si Julian Alvarez, Lautaro Martinez dhe Nicolas Gonzalez.
#SelecciónMayor El entrenador Lionel #Scaloni realizó una nueva convocatoria de cara a la doble fecha 🇨🇱🇨🇴 de eliminatorias de septiembre.
— 🇦🇷 Selección Argentina ⭐⭐⭐ (@Argentina) August 19, 2024
¡Estos son los citados! ¡Vamos Selección! pic.twitter.com/xjlDrwcfzg
Argjentina do të përballet me Kilin më 5 shtator para se të zhvillojë një “ripërballje” me Kolumbinë pesë ditë më vonë.
Skuadra e Scalonit po shpresojnë të mbesin të pamposhtur në garën për mbrojtjen e titullit të Kupës së Botës 2026, ngase deri më tani kanë fituar pesë nga gjashtë ndeshjet.
Kujtojmë, gjashtë kombëtaret e para për CONMEBOL kualifikohen direkt në turne, derisa vendi i shtatë shkon në play-off.
