Skuadra turke, Sivasspor, ka arritur të marrë pikët e plota në Fadil Vokrri, përballë Ballkanit të Ilir Dajës, me një rikthim në rezultat.

Një ndeshje mjaftë e mirë e kampionit të Kosovës, por disa pakujdesi i kushtuan shumë, ku u shfrytëzuan mirë nga skuadra mysafire, për të marrë një fitore të vlefshme për ta.

Pjesa e parë ishte në përgjithësi në favor të Ballkanit me disa mundësi, por vetë, një e konkretizuar nga Armend Thaqi, e me 1:0 të dy skuadrat shkuan në pushim mes dy pjesëve.

Edhe pjesa e dytë filloi mirë për suharekasit, por që disa pritje të portierit mysafir e mbajtën skuadrën turke në lojë.

Sivasspor arriti të shënonte dy gola të shpejtë dhe të përmbyste gjithçka.

Të dy golat u shënuan nga lojtarët që u inkuadruan në pjesën e dytë të takimit.

Fillimisht shënoi Arslan, e pastaj për epërsinë 2:1 shënoi Anglieski.

Me këtë rezultat përfundoi takimi.

Tani Ballkani me dy humbje, një fitore dhe një barazim, gjendet në pozitën e tretë me katër pikë, aq sa ka edhe Slavia Praha në vend të fundit, ndërsa Cluj i prinë tabelës me pikë të njëjta me Sivasspor.

81’ Sivasspor kalon në epërsi

Sërish ka realizuar Sivasspor dhe sërish me anë të një lojtari të inkuadruar në pjesë të dytë.

Kësaj radhe ishte Karol Angielski që shënoi për 2:1, me një devijim në zonë. VIDEO

72’ Barazohet gjithçka

Sivasspor ka arritur të shënojë golin e barazimit përmes sulmuesit të inkuadruar në pjesë të dytë Hakan Arslan.

Tani kur kanë mbetur më pak se 20 minuta lojë, rezultati është i barabartë 1:1. VIDEO

65’ Frashëri ndal goditjen e Clinton

Stivi Frashëri ka arritur të intervenojë sigurt në goditjen e sulmuesit Clinton N’Jie.

Ishte një goditje fillestare nga Gradel e devijuar nga Jashancia, që pastaj shkoi te sulmuesi i inkuadruar në pjesën e dytë, por Stivi tregohet i vëmendshëm.

60’ Korenica tenton nga distancë e largët, e vendos portierin në vështirësi.

Meriton Korenica ka rrezikuar portën e Sivassporit nga një distancë shumë e largët, duke vendosur Ali Vural në vështirësi, i cili e dëboi topin disi, por pastaj Albion Rrahmani ishte në pozitë jashtë loje.

52’ Zyba me goditje të mirë, Ali Vural sërish shpëtimtar i Sivassporit.

Ballkani ka nisur furishëm këtë pjesë të dytë, duke pasur dy raste të njëpasnjëshme shënimi në shumë pak minuta lojë.

Kësaj radhe mesfushori Qëndrim Zyba tentoi nga një distancë prej 16 metrave, por portieri Vural priti bukur dhe rezultati mbetet 1:0.

50’ Krasniqi sërish nuk ka arritur të shënojë, kësaj radhe përballë me portierin.

Ishte një dalje e mirë nga Ballkani, por Ermal Krasniqi dështoi të shënojë në pozitë ballore me portierin turk.

46' Ka filluar pjesa e dytë në Fadil Vokrri, ndërmjet Ballkanit e Sivassporit.

Kampioni i Kosovës është në epërsi 1:0 pas pjesës së parë.

Ka përfunduar pjesa e parë e takimit. Kampioni i Kosovës shkon në pushim në mes dy pjesëve me rezultat 1:0 me golin e shënuar nga kapiteni, Armend Thaqi.

Skuadra nga Suhareka është duke zhvilluar një futboll shumë të mirë deri më tani, duke rrezikuar portën disa herë gjatë pjesës së parë.

Përveç golit të shënuar nga Thaqi, disa raste tjera janë pritur mrekullisht nga portieri mysafir, për ta mbajtur skuadrën e tij ende në lojë.

43’ Krasniqi godet, shpëton Sivasspor pas intervenimit të jashtëzakonshëm të portierit mysafir.

36’ THAQI GOOOOOOOOOOOOL

Ballkani ka arritur të shënojë golin e epërsisë me anë të një goditje të kapitenit, Armend Thaqi.

Ishte një asistim nga Meriton Korenica, e një goditje mjaftë precize nga mbrojtësi anësor i Ballkanit e zuri portierin mysafir të papërgatitur, për t’ia dhënë epërsinë e parë në ndeshje kampionit të Kosovës.

33’ Dellova me një goditje nga distanca, pret portieri mysafir.

Mbrojtësi i Ballkanit, Lumbardh Dellova, ka arritur të dërgojë goditjen e parë në portë për skuadrën e tij me një goditje të fortë nga një distancë e largët, por portieri mysafir ka arritur ta devijojë në këndore.

30’ Albion Rrahmani me rastin e parë të Ballkanit, dështon të shënojë nga afërsia.

Një top i nisur nga Armend Thaqi, i prekur nga Meriton Korenica, shkoi mirë për sulmuesin llapjan, Albion Rrahmanin, por ai nga afërsia dështoi të shënojë me një goditje mbi portë.

30’ Kur kanë mbetur edhe 15 minuta nga pjesa e parë e takimit, rezultati vazhdon të jetë ai i njëjti i fillimit të takimit 0:0.

Kampioni i Kosovës po arrin të depërtojë, por po has në vështirësi për të rrezikuar portën e skuadrës turke.

17’ Rreziku i parë në portë vjen nga Sivasspor.

Sivasspor ka arritur të ketë shansin e parë në ndeshje, por goditja me kokë nga sulmuesi i skuadrës turke u prit me lehtësi nga Stivi Frashëri.

Me skuadrën turke, Sivasspor, kanë udhëtuar edhe disa tifozë të flaktë të kësaj skuadre.

10’ Të dy skuadrat po zhvillojnë futboll të baraspeshuar.

Kampioni i Kosovës, ka arritur të dalë disa herë në sulm, por pa arritur të rrezikojë portën e skuadrës turke.

Ndërkaq në fazën mbrojtëse, Ballkani është treguar e kujdesshme, duke mos lejuar Sivasspor të krijojë diçka në këta minuta të parë.

1’ Fillon takimi në ‘Fadil Vokrri’ ndërmjet Ballkanit e Sivassporit

Edhe pse po mbizotëron kohë jo e mirë, tifozët nga e gjithë Kosova janë prezent në stadiumin e kryeqytetit, Fadil Vokrri.

Të dy skuadrat janë duke kryer përgatitjen e fundit para ndeshjes.

Nacionale sjell pamje nga stadiumi Fadil Vokrri

Tashmë gjithçka është gati për sfidën e radhës të Ballkanit ndaj Sivassporit dhe na ndajnë pak minuta para fillimit të ndeshjes.

Zgjedhjet e dy trajnerëve për këtë ndeshje janë këto: