Lëndohet Camavinga, paraqitja e tij ndaj Manchester Cityt në rrezik?
Mesfushori i Real Madridit, Eduardo Camavinga, i cili kohët e fundit po luan në rolin e mbrojtësit anësor, ka pësuar një dëmtim në gjurin e tij, gjatë fitores së mbretërve ndaj Getafës në kuadër të La Ligës.
Camavinga u rrëzua nga ndërhyrja e ashpër e Juan Iglesias, e cila detyroi Carlo Ancelottin ta zëvendësonte francezin në minutën e 84-të të ndeshjes. 20-vjeçari u pa më vonë duke aplikuar akull në gjurin e tij, ndërsa Real Madrid fitoi 1:0 me golin e bukur të shënuar nga distanca nga Marco Asensio në minutën e 70-të.
Lëndimi i Camavinga ndodhi vetëm disa ditë para ndeshjes së tyre vendimtare gjysmëfinale të Ligës së Kampionëve kundër Manchester Cityt. Por Ancelotti i siguroi të gjithë pas ndeshjes se lëndimi i mesfushorit nuk është i rëndë dhe ka gjasa të dalë në fushë kundër qytetarëve.
Mbretërit barazuan 1:1 në ndeshjen e parë në Santiago Bernabeu. Vinicius Junior kishte shënuar për epërsinë e nikoqirëve në pjesën e parë, por Kevin De Bruyne u sigurua që gjigantët spanjollë të mos vinin me rezultat pozitiv në Etihad Stadium.
.jpg?format=pjpg&auto=webp&width=3840&quality=60)
Duke folur me gazetarët pas ndeshjes, Ancelotti tha: "Është vetëm një goditje dhe ai do të shërohet shpejt. Të gjithë duhet të jenë gati për t'u përballur me Manchester Cityn. Camavinga ka një goditje, por ai duhet të jetë mirë. Po, ai kishte një lëndim të vogël në gju, por është një goditje, asgjë më shumë. Nesër do të pushojë, si pjesa tjetër e atyre që kanë luajtur."
Pas përballjes me gjigantët e Premierligës në Ligën e Kampionëve të mërkurën, skuadra e Ancelottit do të përballet me Valencian në La Liga më 21 maj, në tentim për të rimarrë pozitën e dytë, pasi çështja e titullit pothuajse është mbyllur, me Barcelonën që mund të shpallet kampione sot.
