Lautaro Martinez barazoi rekordin e Adrianos në Ligën e Kampionëve

Sulmuesi Lautaro Martiez i është bashkuar listës së top golashënuesve në historinë e Interit me golin e shënuar ndaj Sparta Pragës të mërkurën.

Goli ndaj skuadrës çeke ishte i 14-ti për Martinez në Ligën e Kampionëve, aq sa kishte shënuar edhe legjenda braziliane Adriano.

Martinez tani ka nevojë vetëm për një gol që të bëhet golashënuesi numër një në historinë e Interit. Ai do të zhvillojë edhe një ndeshje në fazën e ligës, derisa ka edhe dy tjera në rast që mbesin në play-off.

Martinezit iu nevojiten vetëm 51 ndeshje për të shënuar 14 gola në përgjithësi. 39 prej tyre ishin si titullar, derisa ka kontribuar me gjashtë asistime në këtë kompeticion.

Pas fitores 1:0 ndaj Sparta Pragës, Interi renditet në pozitën e katërt në fazën e ligës, më së larti nga skuadrat italiane, kurse iu nevojitet vetëm një pikë ndaj Monacos për ta garantuar vendin në top tetë.