‘Last Dance’ – Ronaldo e Messi do të përballen edhe një herë
Lionel Messi e Cristiano Ronaldo, do ta kenë një përballje mes vete sërish. Inter Miami ka konfirmuar se do të luajnë me Al Nassr në përgatitjet për sezonin e ri 2024.
Skuadra nga MLS lëvizi për të shuar spekulimet që sugjeronin se një takim i tillë po organizohej kur u shfaqën për herë të parë zërat për një datë të tillë, por ata tashmë kanë njoftuar se dy rivalë të përjetshëm do të jenë potencialisht për herë të fundit në karrierën e tyre të jashtëzakonshme, përballë njëri-tjetrit. Dy lojtarë me 13 Topa të Artë mes tyre do të përballen në Kupën e Riadit – që është pjesë e turit të parë ndërkombëtar të Inter Miamit.
Inter Miami, i cili mirëpriti Messin në skuadrën e tyre në verën e 2023 dhe shijoi lavdinë e Kupës së Ligës brenda disa javësh pas mbërritjes së tij në ShBA, do të përballen me liderët e Ligës Pro Saudite Al Hilal në Kingdom Arena në Riad më 29 janar 2024. Më pas ata do të përballen me Ronaldon dhe skuadrën e tij Al Nassr në të njëjtin vend më 1 shkurt – me dy kundërshtarët e tyre në një turne, që mburret gjithashtu me lojtarë si Milinkovic-Savic, Ruben Neves, Aleksandar Mitrovic, Kalidou Koulibaly, Sadio Mane dhe Aymeric Laporte.
Adding a stop to our Preseason International Tour📍🌏
— Inter Miami CF (@InterMiamiCF) December 11, 2023
We will play two matches in Saudi Arabia in the Riyadh Season Cup as part of our first-ever international tour!
In a round-robin tournament format, we will take on Saudi powerhouses Al-Hilal SFC and Al Nassr FC on Monday,… pic.twitter.com/Xi9M0QApLi
Xavier Asensi, shefi i biznesit të Inter Miami, i ka thënë faqes zyrtare të klubit: “Kjo është një tjetër mundësi e madhe për të krijuar marrëdhënie të qëndrueshme me fansa të pasionuar. Ne jemi të ngazëllyer për t'u lidhur me mbështetës të rinj në Arabinë Saudite dhe gjithashtu shpresojmë që njerëzit në të gjithë botën të akordohen për të parë një ndeshje ëndrrash si këto."
Shefi i futbollit dhe drejtori sportiv, Chris Henderson, shtoi: “Këto ndeshje do të ofrojnë teste të rëndësishme për ekipin tonë, të cilat do të na sjellin dobi teksa i afrohemi sezonit të ri. Jemi të ngazëllyer që grupi ynë të ketë shansin për t'u përballur me skuadra me aq cilësi sa Al Hilal dhe Al Nassr."
Messi dhe Ronaldo janë përballur me njëri-tjetrin në 35 raste – gjatë periudhave të tyre përkatëse në Barcelona, Manchester United dhe Real Madrid – me fituesin e Botërorit 2022 që ka dalë fitimtar në 16 raste, krahasuar me 10 fitore të Ronaldos. Ikona argjentinase Messi ka regjistruar 21 gola dhe 12 asistime në ato ndeshje, me superyllin portugez Ronaldo që ka gjetur objektivin në 20 raste.
