Kur Wilder i theu nofullën maskotës pasi e goditi në transmetim direkt
Deontay Wilder ka filluar të rrëmbejë kryetituj së fundmi, para meçit rikthyes më 15 tetor kundër Robert Helenius.
Ish-kampioni i peshës së rëndë është fotografuar në stërvitje, duke diskutuar me fansat për fizikun e tij dhe spekuloi nëse do të mund të rritet përsëri pas humbjes nga Tyson Fury,.
Mirëpo, tash është rishfaqur një postim i 'Bomberit të Bronztë' duke grushtuar maskotën e ESPN, në vitin 2018.
Gjërësisht raportohej atë kohë se Wilder kishte thyer nofullën e maskotës dhe një postim që u publikua tash së fundmi, i bashkohet asaj narrative.
E vërteta prapa saj, në fakt duket të jetë shumë më pak sensacionale. Edhe pse ai ka mundur të thyente nofullën e maskotës, pamjet janë ende sureale të shikohen.
Kush dreqin mendoi se është ide e mirë të marrësh boksierin me grushtin më të fuqishëm në botë për ta goditur një maskotë?
Deontay Wilder had no business punching the mascot this hard😭😭😭… pic.twitter.com/oAt6vW3U5P
— Jay🇦🇮🏝 (@jayincognito420) June 19, 2022
'Ross A. Lincoln' raportoi se Wilder po intervistohej nga 'ESPN' dhe po pyetej për meçin kundër Tyson Furyt. Në fund të segmentit, Wilder, i cili e bëri të qartë se mezi po e priste përballjen, u ftua të shprehte jo durimin e tij në një maskotë. Gjë të cilën e bëri.
Më pas, i inkurajuar nga mikpritësit, ai u ftua të merrej me maskotën shumëngjyrëshe të kanalit për të përcaktuar kampionin e 'ESPN’. Kjo rezultoi në një shaka ku bombarduesi i bronztë goditi disa grushta të rëndë.
Shfaqja u mbyll pa incidente, megjithatë, dy javë më vonë një YouTuber shfaqi klipin dhe deklaroi se burri brenda kostumit kishte pësuar një thyerje të nofullës.
Wilder kërkoi falje më vonë. “Sinqerisht I kërkoj falje burrit të guximshëm që u lëndua [nëse është e vërtetë]. Kam respekt për të, pjesmarrjen, vullnetin dhe kurajon e tij.
“Nëse është e vërtetë se ai u lëndua, personalisht dua ta ftoj në meçin tim më 1 dhjetor”.
Thashethëme të tjera përfshin narrativën se Wilder nuk ishte në dijeni se një qenie njerëzore gjendej brenda kostuimit, me ish-kampionin që e mohoi këtë si “klik-bait”.
I tërë episodi pretendohej të ishte shaka, kur shikojmë sjelljen e nikoqirëve, të cilët direkt kërkuan nga Wilder të grushtonte.
