Kosova – Zvicra: Dalin biletat në shitje, këto janë çmimet

Kombëtarja e Kosovës në futboll do ta zhvillojë ndeshjen e radhës në kualifikimet për Euro 2024, ku përballë do ta ketë Zvicrën, liderin e grupit I, pas katër ndeshjeve të para të zhvilluara. Ndeshja do të zhvillohet më 9 shtator në Fadil Vokrri dhe biletat tashmë kanë dalë në shitje.

Dardanët patën një fillim të tmerrshëm të kampanjës kualifikuese, me tri barazime e një humbje, kështu duke minimizuar shpresat për një kualifikim në Kampionatin Evropian.

Biletat për ndeshjen Kosovë – Zvicër, si zakonisht mund të blihet online në faqen e dedikuar enkas nga FFK-ja dhe çmimet do të jenë këto, për të parë ndeshjen nga tribunat e Fadil Vokrrit:

Tribuna Perëndimore – 20 euro;

Tribuna Lindore – 10 euro:

Tribuna Jugore – 5 euro;

Tribuna veriore – 5 euro;

Tribuna VIP – 80 euro.

Për t’u pajisur me një biletë për ndeshjen Kosovë – Zvicër, duhet të krijoni fillimisht një llogari dhe pastaj të vazhdohet me procesin e zgjedhjes së biletës, në fund me pagesën me anë të llogarisë bankare. Këtë mund ta bëni duke klikuar në këtë lidhje.

Vetëm tre ditë më vonë, Kosova zhvillon edhe një tjetër ndeshje, atë kundër Rumanisë, në udhëtim.