Kosova në epërsi të dyfishtë ndaj Qipros

Kombëtarja e Kosovës ka zhvilluar paraqitje fantastike në pjesën e parë ndaj Qipros.

“Dardanët” ishin të shkëlqyer, duke e mbyllur me epërsi të dyfishtë 0:2.

Donat Rrudhani fitoi një penallti pas vetëm nëntë minutave, pasi u faullua brenda zonës, të cilën e konkretizoi për mrekulli Vedat Muriqi.

Dyshja bashkëpunuan sërish, me Rrudhanin që këtë herë harkoi në mënyrë maestrale te Muriqi, i cili e tundi rrjetën me kokë (21’).

Kosova kishte edhe një tjetër rast të shkëlqyer përmes Ermal Krasniqit, mirëpo sulmuesi i Sparta Pragës dështoi të shënonte përballë portierit vendas.

Ndërkohë, Qipro ishte e qetë në këtë pjesë duke u mbrojtur shumicën e kohës dhe nuk është që krijuan ndonjë rast të rrezikshëm.