Konate i lumtur me interesimin e Real Madridit dhe PSG-së
Mbrojtësi Ibrahima Konate thotë se është i lumtur që emri i tij lidhet me kalimin te Real Madridi dhe PSG-ja, mirëpo e ka pranuar se Liverpooli i ka ofruar kontratë të re.
Kontrata aktuale e francezit skadon në fundin e sezonit tjetër, mirëpo sugjerimet e fundit thonë se PSG-ja po bën çmos që ta bind për të mos nënshkruar dhe kaluar në “Parkun e Princave” verën tjetër.
Konate ka pranuar se është kompliment që pëlqehet nga top klubet evropiane, mirëpo nuk po e mendon largimin.
“Është e qartë se të dëgjosh klubet e mëdha si Real Madridi e PSG-ja të interesuara për mua është kënaqësi”.
“Tani jam i fokusuar vetëm në këtë sezon që të fitojë sa më shumë tituj që është e mundur”.
“Sa i përket situatës së kontratës, do t’i lërë agjentët të kujdesën për këtë pjesë”, deklaroi ai.
Real Madridi thuhet se prioritet e ka Willian Saliban, mirëpo në rast që ky i fundit rinovon me Arsenalin atëherë alternativa e parë është Konate.
Ndërkohë, PSG-ja e sheh atë si ideali për ta përforcuar edhe më shumë skuadrën e Luis Enrique, që po vazhdon ta ëndërrojë trofeun e Ligës së Kampionëve.
