Kombëtarja e Kosovës pëson humbje të thellë nga Franca

Kombëtarja e Kosovës në Futsall ka pësuar humbje të thellë me rezultat 5:0 ndaj Francës, në përballjen që u zhvillua në kryeqytet.

Francezët që janë në vendin e katërt në botë në ranglistë, ishte larg më e mirë dhe pati shumë raste shënimi, por Bajram Ramadani ishte arseyja pse Dardanët nuk pësuan më shumë gola.

Pjesa e parë e takimit nisi me një gol të shpejtë, kur Lutin shënoi me një goditje të fuqishme në sekondat e parë, për 1:0.

Franca e dyfishoi rezultatin me anë të golit të Mohammed në minutën e 11-të.

Dy minuta më vonë, Belhaj shënoi për 3:0, ndërsa krejt në fund të pjesës së parë realizoi portieri Lokoka dhe me rezultatin 4:0 u mbyllën 20 minutat e parë të takimit.

Franca në pjesën e dytë e shënoi vetëm një gol.

Ishte Mohammed që realizoi golin e dytë personal në minutën e 34-të, për rezultatin përfundimtar 5:0.

Kosova pati tre apo katër raste të mira shënimi, por që nuk konkretizuan asnjëherë.

Franca e Kosova do të përballen sërish në kualifikime për Evropian pas katër ditësh, tani në Francë.

Kombëtarja e Kosovës momentalisht pas tre ndeshjeve është në vendin e tretë me tre pikë, pasi ka fituar një herë dhe është mposhtur dy herë.