“Klubi është mbi gjithçka” – Luis Enrique komenton situatën e Mbappes te PSG
Kylian Mbappe do të vazhdojë të qëndrojë larg skuadrës së parë të Paris Saint-Germain, duke mos qenë në fushë për ndeshjen hapëse të kësaj skuadre në fundjavë ndaj Lorient. Trajneri i PSG-së, Luis Enrique, duke komentuar këtë situatë, ka thënë se klubi është mbi gjithçka.
Sulmuesi francez është detyruar të stërvitet veçmas nga grupi i parë i Enriques së bashku me Julien Draxler, Gini Wijnaldum dhe Leandro Paredes. Tani trajneri spanjoll ka konfirmuar se Mbappe nuk do të luajë në ndeshjen hapëse të PSG-së në Ligue 1 kundër Lorient, por ai shpreson që fituesi i Kupës së Botës 2018 do të gjejë një zgjidhje miqësore në mënyrë që të luajë përsëri në Parkun e Princave.
“Shpresoj dhe uroj që, ashtu si në të kaluarën [verën e kaluar], të ndodhë përsëri e njëjta gjë dhe që klubi dhe lojtari të arrijnë një marrëveshje. Kjo është ajo që unë do të doja. Filozofia e këtij klubi është shumë e qartë: se klubi është mbi gjithçka dhe unë e ndaj atë 100 për qind”, u tha ai gazetarëve.
Është raportuar gjithashtu se PSG ka informuar tashmë lojtarët me emër, duke përfshirë yllin brazilian Neymar, Marco Verratti, Hugo Ekitike, Juan Bernat dhe Renato Sanches se ata janë të tepërt ndaj kërkesave dhe janë të lirë të kërkojnë skuadër të re.
Megjithatë, Enrique nuk dëshiroi të flasë në lidhje bisedën private me lojtarët dhe këmbënguli që veprimet e tij duhet të flasin më shumë.
"Bisedat me lojtarët janë private. Unë nuk do të flas për atë që ata kanë thënë dhe çfarë kam thënë. Fjalët e mia thonë diçka, por veprimet e mia thonë më shumë dhe veprimet që bëj do të tregojnë idetë e mia," tha ai.
Mbappe mbetet këmbëngulës për të përfunduar kontratën e tij dhe i ka thënë klubit se nuk do të largohet – për t’iu bashkuar Real Madridit apo dikujt tjetër – këtë verë. Tani mbetet për t'u parë nëse ngërçi do të zgjidhet apo nëse ai do të bëjë lëvizjen e shumëdashur te Real Madridi në ditët e fundit të afatit kalimtar.
