Kjo është klauzola e jashtëzakonshme e Mbappes nëse fiton Ligën e Kampionëve
Kontrata e yllit francez, Kylian Mbappe, me Paris Saint-Germain do të rinovohet automatikisht deri në fund të sezonit 2024/25, nëse skuadra parisiene triumfon këtë vit në Ligën e Kampionëve.
Mbappe përballet me një vendim të madh në lidhje me të ardhmen e tij në PSG, dhe ka deri në fund të sezonit për të zgjedhur nëse ai dëshiron që marrëveshja e tij të skadojë në 2024 apo një vit më pas. Sidoqoftë, zgjedhja do t'i hiqet nga duart dhe kontrata e tij do të zgjatet automatikisht me një vit nëse kampionët e Ligue 1 fitojnë Ligën e Kampionëve këtë sezon, sipas Mundo Deportivo.
Mbappe nënshkroi një marrëveshje të re marramendëse verën e kaluar për dy vitet e para, me një opsion për një të tretë, duke refuzuar interesimin e Real Madridit për të përkushtuar të ardhmen e tij në Paris. Lojtari nuk ka dhënë asnjë indikacion deri më tani nëse do të zgjatet apo jo kontrata, edhe pse ai thuhet se do të marrë një shtesë prej 100 milionë euro nëse e bën këtë.
PSG do t’i duhet ta kthejë rezultatin në Ligën e Kampionëve sonte. Ata aktualisht janë në disavantazh ndaj Bayern Munich 1:0 nga ndeshja e parë dhe duhet të fitojnë në Allianz Arena për të kaluar në çerekfinale.
Sulmuesi do të udhëheqë PSG-në kundër Bayern Munich sonte, dhe paraqitja e tij do të luajë një rol të madh, teksa parisienët përpiqen të fitojnë Ligue 1 këtë vit.
